Sholý maǵlumatty sala mınıstrligi málim qyldy, dep habarlaıdy Egemen.kz.
Jeńil atletıka: Elordadaǵy Qazaqstan jeńil atletıka kesheninde World Athletics Indoor Tour Gold serııasy sheńberinde ótkizilgen Astana Indoor Meet for Amin Tuyakov Prizes týrnırinde otandastarymyz 2 qola júlde enshiledi.
Ýnıversıada-2025: Italııanyń Týrın qalasynda ótken qysqy Ýnıversıadada Qazaqstan quramasynyń stýdentteri 14 medal (3 altyn, 4 kúmis, 7 qola) oljalap, jalpykomandalyq esepte 12-orynǵa ıe boldy.
Frıstaıl-mogýl: Iýlııa Galysheva AQSh-tyń Ýotervıll qalasynda uıymdastyrylǵan Álem kýbogi kezeńinde Iýlııa Galysheva qola júldeger atandy.
Áıelder kúresi: Reseıdiń Krasnoıarsk qalasynda ótip jatqan Ivan Iаrygın memorıalynda bizdiń palýandar 1 altyn, 1 kúmis, 1 qola júlde ıelendi.
Jaǵajaı voleıboly: Shrı-Lankanyń Negombo qalasynda máresine jetken jaǵajaı voleıbolynan ortalyq Azııa aýmaǵy chempıonatynda Laýra Qabylbekova men Nadejda Ivanchenko juby top jarsa, erler arasynda Kırıll Gýrın men Abdýlmadjıd Muhammad juby qola júldege qol jetkizdi.
Karate: Parıjde aıaqtalǵan WKF karateden Premer-lıga 1 sanatyndaǵy jarysta Qazaqstan sportshylary 5 medal jeńip aldy.
Konkımen júgirý: Kanadanyń Kalgarı qalasynda ótken konkımen júgirýden Álem kýbogi kezeńinde komandalyq sprıntte baq synaǵan Krıstına Sılaeva, Darıa Vajenına, Nadejda Morozova úshtigi 1:26.36 sekýnd ýaqyt kórsetkishimen qola medal oljalady.
Tennıs: Túrkııanyń Antalııa qalasynda ótken ITF W15 týrnırinde Sandýǵash Kenjebaeva juptyq synda úzdik shyqty.