Almaty turǵyndary eki qabatty úıdiń kireberisinen jańa týǵan sábıdi taýyp aldy. Muny kórgen adamdar dereý polısııa men jedel járdem shaqyrǵan, dep habarlaıdy Egemen.kz.
KTK arnasynyń jazýynsha, oqıǵa 30 qańtar kúni kúndiz bolǵan. Belgisiz bireýler sábıdi ekinshi qabattaǵy páterlerdiń biriniń esiginiń aldyna tastap ketken. Jańa týǵan shaqalaq jedel túrde aýrýhanaǵa jatqyzyldy, onyń jaǵdaıy aýyr dep baǵalandy. Bala qazir jansaqtaý bóliminde tynys alý apparatyna qosylǵan.
Polısııa qylmystyq is qozǵap, qyzdyń anasyn izdestirip jatyr.
«Jedel basqarý ortalyǵynyń málimetinshe, jańa týǵan náresteni Chernyshevskıı kóshesindegi úılerdiń birinde turatyn turǵyndar taýyp alǵan. Túrksib aýdandyq polısııa bólimi tergeý amaldaryn, sondaı-aq birqatar jedel is-sharalar júrgizip jatyr», dedi Almaty polısııa departamentiniń resmı ókili Saltanat Ázirbek.