Elordanyń qylmystyq ister jónindegi mamandandyrylǵan aýdanaralyq soty senip tapsyrylǵan múlikti jymqyrdy dep aıyptalǵan Astana qalasy Mádenıet basqarmasynyń burynǵy basshysy Bolat Majaǵulovqa úkim shyǵardy, dep habarlaıdy Egemen.kz.
Sot úkimimen Bolat Majaǵulov 8 jyl 6 aıǵa bas bostandyǵynan aıyryldy.
«Sot Majaǵulovty Qylmystyq kodekstiń 189-babynyń 4-bóliginiń 2-tarmaǵy «Senip tapsyrylǵan bóten múlikti ıelenip alý nemese ysyrap etý» qylmysyn jasaǵany úshin kináli dep tanyp, 8 jyl 6 aıǵa bas bostandyǵynan aıyrdy», delingen habarlamada.
Ekinshi aıyptalýshy Qanapın 3,5 jylǵa sottaldy. Ol sot zalynda qamaýǵa alyndy.
Sondaı-aq sot Majaǵulov pen Qanapınnen 1 mıllıard 86 mıllıon teńge kólemindegi birlesken jáne birneshe shyǵyndy óndirý týraly sheshim shyǵardy.
Úkim zańdy kúshine engen joq.