Shymkentte iz-túzsiz joǵalǵan 20 jastaǵy jigittiń denesi tabyldy, dep habarlaıdy Egemen.kz.
Shymkent qalasy Polısııa departamentiniń málimetinshe, marqumnyń ólimine qatysty qylmystyq is qozǵalǵan.
«Aldyn ala málimet boıynsha, zorlyq-zombylyq belgileri anyqtalǵan joq. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan tergeý is-sharalary júrgizilýde», – delingen vedomstvo habarlamasynda.
Eske sala keteıik, buǵan deıin taksıge minip, joǵalyp ketken eki adamnyń izdestirilip jatqany habarlanǵan edi. 20 jastaǵy jigit Ordabasy aýdanynan kólik júrgizý kýáligin alý úshin Shymkentke kelgen, alaıda úıine oralmaǵan. Onyń telefony da sóndirýli bolǵan.