Aqtóbe oblysyna qarasty Hromtaý aýdanynyń prokýratýrasy «Maǵadjan» plotınasynyń jarylýyna qatysty qylmystyq is boıynsha memlekettik aıyptaýdy qoldady, dep habarlaıdy Egemen.kz.
Aqtóbe oblysynyń prokýratýrasy habarlaǵandaı, is materıaldaryna sáıkes, basqarýshy kompanııa bolyp tabylatyn JShS-niń dırektory paıdakúnemdik maqsatta sýdy aǵyzý boıynsha sharalar qabyldamaǵan. 2024 jyly 4 sáýirde bóget jarylyp nátıjesinde Tabantal, Qyzyltý, Besqospa aýyldaryn sý shaıyp, azamattardyń múlikterine jáne ınfraqurylymǵa zııan kelgen.
«Hromtaý aýdandyq sotynyń úkimimen sottalýshy QK-niń 254-babymen (Mindetterine adal qaramaý) boıynsha kináli dep tanylyp, 3 jylǵa sý sharýashylyǵy salasynda jumys isteýge tyıym salýmen, 2 jyl 6 aı merzimge bas bostandyǵyn shekteý jazasyna sottaldy» delingen habarlamada.
Úkim zańdy kúshine engen joq.