Kishkentaı bala bir qaýipten aman qalǵanda «perishtesi qaqty» dep jatady. Al Djeıms Harrıson 2 mıllıonnan astam náresteniń ómirin qutqaryp qalǵan.
14 jasynda aýyr ókpe ınfeksııasymen aýrýhanaǵa túsip, 14 lıtr qan quıylyp aman qalǵan Djeıms bolashaqta ózi de donor bolýǵa bekinedi. 18-ge tolyp alǵash qan tapsyrǵan kezde dárigerler onyń qanynda erekshe antıdeneler bar ekenin anyqtaıdy. Bul antıdeneler rezýs-konflıkt kezinde nárestelerdi ólimnen saqtaıtyn antı-D ımmýnoglobýlın dárisin jasaýǵa kómektesken. 60 jyldan astam ýaqyt ishinde Harrıson 1 173 ret qan tapsyryp, 2 mıllıonnan astam náresteniń ómirin qutqaryp qalǵan.