Pablo Pıkasso sóıleýden buryn sýret salýdy úırengen. Anasynyń aıtýynsha, tili shyqqanda aıtqan alǵashqy sózi «Piz!Piz!» ıaǵnı qaryndash degen sóz bolypty.
Onyń ákesi kórkemsýret mektebinde muǵalim bolǵan. Sondyqtan Pıkasso kishkentaı kezinen-aq daryndy eresektershe sýret sala alatyn. Al eseıip, kemeline kelgen shaqta ol balalar sekildi sýret saldy. Keıin kýbızm dep atalatyn baǵyttyń negizin qalady. Alǵash bolyp kógershindi beıbitshilik rámizi retinde beınelegen de – osy kisi. 91 jasynda qaıtys bolǵan kezde, Pıkassonyń artynda 20 myń týyndy qaldy. Oılańyzshy, 20 myń! Iá bul – aqylǵa syımaıtyn qupııa qubylys.