«Habar» telearnasynyń 30 jyldyq mereıtoıy qarsańynda, Qazaqstan Respýblıkasy Parlamenti Májilisiniń, Mádenıet jáne aqparat mınıstrliginiń, Ǵylym jáne joǵary bilim mınıstrliginiń qoldaýymen «Azamat» baǵdarlamasy efırge qaıta oralady. Bul týraly «Habar» Agenttiginiń Basqarma tóraǵasy Kemelbek Oıshybaev aıtty, dep habarlaıdy Egemen.kz.
2000-jyldardyń basynda «Habar» telearnasynda kórsetilgen «Azamat» ıntellektýaldy baǵdarlamasy tutas bir býynnyń esinde qaldy. Bul joba kóshbasshylardy tárbıeleıtin, stýdentterdiń sheshendik ónerin shyńdap, synı oılaý qabiletin damytýǵa jáne óz kózqarasyn dáleldi qorǵaýǵa úıretetin mańyzdy alańǵa aınaldy. Dál osy baǵdarlamadan shyqqan túlekter qazirgi tańda memlekettik qyzmette, bilim berý jáne kásipkerlik salalarynda el damýyna úles qosyp júr.
15 jyldan keıin «Azamat» telebaǵdarlamasy jańartylǵan formatta kórermenge qaıta usynylyp otyr. Qazaqstannyń 100 joǵary oqý ornynyń arasynan pikirsaıys klýbtary belsendi jumys isteıtin 32 ýnıversıtet iriktelip alyndy.
Jańartylǵan «Azamat» baǵdarlamasynyń alǵashqy shyǵarylymy Naýryz merekesi qarsańynda «Habar» telearnasynan efırge shyǵady. Bul – stýdentterge óz qabiletterin tanytyp, analıtıkalyq jáne sheshendik ónerlerin pash etýge berilgen biregeı múmkindik.