Jambyl oblysynda mamandandyrylǵan kúzet qyzmeti basqarmasynyń qyzmetkeri jumys ornynda óz-ózine qol jumsaǵan, dep habarlaıdy Egemen.kz.
22 jastaǵy polısııa serjanty qyzmettik Makarov tapanshasyn paıdalanyp, ózin-ózi atyp óltirgen. Polıseıdiń máıiti Tarazdan 5 shaqyrym jerdegi beketten tabyldy.
Oblystyq polısııa departamenti qyzmetkerdiń ólimi týraly aqparatty rastady.
«О́zin-ózi óltirýge ıtermeleý» baby boıynsha sotqa deıingi tergeý bastaldy. Tergeýdiń jan-jaqty bolýyna baǵyttalǵan barlyq qajetti jedel-izdestirý sharalary júrgizilip jatyr. Qazaqstan Respýblıkasy Qylmystyq-prosestik kodeksiniń 201-babyna sáıkes ózge de málimetter tergeý múddesi úshin jarııa etýge jatpaıdy», dep habarlady vedomstvonyń baspasóz qyzmeti.