Tótenshe jaǵdaılar mınıstrligi ortalyq memlekettik jáne jergilikti atqarýshy organdarmen birlesip, sý tasqyny kezeńine daıyndyq boıynsha is-sharalar keshenin jalǵastyryp jatyr, dep habarlaıdy Egemen.kz.
Búgingi tańda sý tasqyny qaýpi bar aımaqta 1 223 eldi meken bar.
«Olardy qorǵaý úshin 576 shaqyrym qorǵanysh bógenderi men bilikteri turǵyzyldy. 822 shaqyrym drenaj júıeleri, kanaldar men aryqtar jóndelip, salyndy. Avtomobıl men temir jol qatynastarynda 960 sý ótkizý qurylysy ornatylyp, aýystyryldy», delingen TJM taratqan habarlamada.
74 ózenniń qaýipti ýchaskelerinde 500 shaqyrymǵa jýyq túbin tereńdetý, jaǵalaýdy nyǵaıtý jáne arnalardy tazartý jumystary júrgizildi.
«Sý tasqynyna jedel den qoıý úshin 37 myńnan astam adam, 13 myńnan astam tehnıka, 4 096 sý aıdaý jáne 640 júzý quraldary bar azamattyq qorǵaý qyzmetteriniń kúshter men quraldar toptamasy quryldy. Zardap shekkenderdi qabyldaý úshin 3,5 myńnan astam pýnkt daıyndaldy. Qajet bolǵan jaǵdaıda materıaldyq rezervtiń tirshilikti qamtamasyz etý quraldary men tehnıkasy bronnan shyǵarylady», delingen habarlamada.
Azamattyq qorǵanystyń áskerı bólimderi joǵary daıyndyqta, al qutqarý avıasııasy jedel kezekshilikte.
Qazirgi ýaqytta memlekettik organdardyń (IIM, QM, UU, Qazgıdromet, Qazsýshar, Qazavtojol) mamandaryn tarta otyryp TJM jedel sý tasqynyna qarsy shtaby táýlik boıy jumys isteıdi. Osyǵan uqsas shtabtar óńirlerde de bar.
Sonymen qatar komandalyq-shtabtyq mashınalar bazasynda yqtımal tótenshe jaǵdaılar aımaqtarynan naqty ýaqyt rejıminde aqparatty berý úshin jedel basqarý toptary quryldy.
Qosymsha kúshter men quraldar rezervi daıyndaldy.
«Ońtústik jáne batys óńirlerdiń sý tasqyny qaýipti ýchaskelerinde beketter qoıyldy. Olar táýlik boıy qalyptasqan jaǵdaı týraly aqparatty beredi», dep habarlady TJM.
Qazgıdromettiń aldyn ala boljamyn eskeretin bolsaq, elimizdiń 9 óńirinde (Aqtóbe, Abaı, Aqmola, ShQO, BQO, Qaraǵandy, Ulytaý, SQO, Qostanaı oblystary) sý basý qaýpi joǵary bolady dep kútiledi.
TJM jalpy kúshter men quraldar daıyn ekendigin, sonymen qatar jedel jaǵdaıǵa baılanysty qaýipti óńirlerge kúshter men quraldardy jetkizý, halyqty evakýasııalaý, avarııalyq-qutqarý jumystaryn júrgizý boıynsha sheshim qabyldaıtynyn aıtty.