Pákistannyń Lahor qalasynda 7-12 aqpan kúnderi jamby atýdan álem kýbogine irikteý kezeńi ótti, dep jazady Egemen.kz.
Jahandyq dodaǵa Pákistan, Reseı, Iran, Túrkııa, Qazaqstan quramalarynyń úzdik mergenderi qatysty.
El namysyn Úsen Aqberen, Aqádil Pernebaı, Baqdáýlet Babajan, Marlen О́serbaı qorǵady. Jekeleı esepte Úsen Aqberen 1 altyn (572.56 upaı), 1 kúmis, 1 qola, Baqdáýlet Babajan 1 kúmis, 1 qola júlde ıelendi.
Qazaqstan ulttyq quramasy 1528,68 upaımen 1-oryn (komandalyq esepte altyn júlde) ıelenip, qazan-qarasha aılarynda Saýd Arabııasynda ótedi dep josparlanǵan álem kýboginiń fınaldyq kezeńine joldama aldy.