1971 jyly 24 jeltoqsanda LANSA 508 reısi Perýden ushyp shyǵady. Alaıda kóp uzamaı ushaqty naızaǵaı soǵyp, Amazonkanyń qalyń djýnglıine qulaıdy. Ushaqtaǵy 92 adamnyń ishinen jalǵyz ǵana 17 jastaǵy Iýlıane Kıopke tiri qalady.
Tańǵalarlyǵy, ushaq apatynan aman qalǵan qyzdyń basyna budan da qıyn synaq keledi. Iýlıane apat saldarynan jabaıy djýnglıdiń ortasynda jalǵyz qalǵan edi. Biraq ol ákesiniń: «Eger ormanda adasyp qalsań, sýdyń aǵysyn jaǵalaı júr», degen sózin eske túsiredi. Ol jaraqatyna qaramastan 11 kún boıy qalyń nýdy aralap, ózen boıymen júrip otyrady. Osylaısha, qutqarýshylarǵa kezdesip, aman qalǵan.