20-23 aqpan kúnderi Almatyda ótetin Ortalyq Azııadaǵy eń iri Almaty Tech Cup chempıonaty sý resýrstary men sý asty álemin zertteýdiń jahandyq máselesine arnalady, dep jazady Egemen.kz.
Chempıonat 4-18 jas aralyǵyn qamtıdy. Júlde 4 jas sanaty boıynsha jeke úlestiriledi. Komandalar AQSh-tyń Tehas shtaty, Hıýston qalasynda ótetin álemdik kezeńde el namysyn qorǵaý úshin baq synaıdy.
Al drondar saıysy ASPAN Drone Competition — drondardy baǵdarlamalaý jáne basqarý, ASPAN Cyber Competition — VelociDrone sımýlıatoryndaǵy vırtýaldy jarystar, ASPAN Drone Race — FPV (First Person View) syndy baǵyttardy qamtıdy.
Jeńimpazdar Ońtústik Koreıa, Eýropanyń birneshe elderi, Qytaı jáne Túrkııadaǵy chempıonattarda Qazaqstannyń namysyn qorǵaýǵa múmkindik alady.