Qazaqstan azamatshalary Túrkııa baǵytyndaǵy ushaqta janjaldasyp, tóbeles shyǵarǵan. Jaǵdaı qatty ýshyqqannan keıin ekıpaj komandıri ushaqty qondyrýǵa májbúr bolǵan, dep habarlaıdy Egemen.kz.
Pegasus Airlines áýe kompanııasynyń Astana-Antalıa baǵytyndaǵy reısi shuǵyl túrde Túrkııanyń Erzýrým qalasyndaǵy áýejaıǵa qonǵan. Janjalǵa qatysy bar 4 adam ushaqtan túsirilip, medısınalyq tekserýden ótken. Keıinnen taraptar qalalyq polısııa bólimshesine jetkizilip, bir-birine shaǵym túsirgen.
«Clash Report málimeti boıynsha, oqıǵaǵa baılanysty josparlanbaǵan qoný men qaıta janarmaı quıý úshin áıel kisilerge 120 myń dollar (54 mıllıon teńge) aıyppul salynady», delingen habarlamada.