Búgin Úkimet otyrysynda premer-mınıstr Ulytaý oblysy «Jomart» kenishinde qaza bolǵan jumysshylardyń otbasyna kóńil aıtty, dep jazady Egemen.kz.
Oljas Bektenov Úkimet otyrysyn shahtadaǵy apatqa baılanysty máselelerdi talqylaýdan bastady.
«Úkimet atynan shahtadaǵy apat saldarynan qaza tapqan kenshilerdiń týǵan-týystary men jaqyndaryna kóńil aıtamyn. Marqumdardyń otbasylaryna barlyq qajetti kómek kórsetiledi. Oqıǵa ornynda tıisti qyzmetter jumys istep jatyr», dedi Oljas Bektenov. Memleket basshysynyń tapsyrmasymen apattyń sebepterin tekserý jáne zardaptaryn joıý boıynsha úkimettik komıssııa quryldy. Júrgizilip jatqan jumystar týraly Premer-mınıstrdiń orynbasary Qanat Bozymbaev esep berdi. «Oqıǵanynyń mán-jaıyn muqııat tekserip, zardaptaryn joıý kerek. Qanat Aldabergenuly, júrgizilip jatqan jumystar barysy týraly únemi baıandap otyryńyz», dedi Úkimet basshysy.