Tarıhı shaharlarǵa aıaldaıtyn poıyz

Jolaýshylar Naýryz meıramy týysqan eki elde qalaı toılanatynyn tamashalap, ulttyq dástúrlerdiń erekshe úılesimin sezine alady. «Kerýen Ekspress» týrıstik poıyzy Almatydan jol tartyp, Almaty – Túrkistan – Tash­kent – Samarqand – Taraz –Almaty baǵy­tynda júredi. Saıa­hat uzaq­tyǵy – 7 kún, 21–27 naý­ryz aralyǵynda jol tartady.

«Jibek Joly» poıyzy da Alma­tydan jolǵa shyǵyp, Almaty-Túrkistan – Tashkent – Samarqand – Almaty baǵytymen qatynaıdy. Týr 6 kúnge sozylady, 20–25 naý­ryz aralyǵynda ótedi.

Týrıstik poıyzdar zamanaýı otandyq óndiristen shyqqan jańa vagondardan quralǵan, ishi-syrty ulttyq oıý-órnektermen bezendirilgen. «Kerýen Ekspress» poıyzynda 5 vagon bar: 4 kýpe, 1 meıramhana vagony. «Jibek Joly» poıyzy 7 vagonnan turady: 6 kýpe, 1 meıramhana vagony.

Túrkistanda týrıster kıeli oryndar men tarıhı sáýlet óneri­niń jaýharlarymen tanysady. Olardyń qatarynda IýNESKO-nyń Búkilálemdik muralar tizimine engen Qoja Ahmet Iаsaýı kesenesi, Uly Jibek joly dáýiriniń erekshe atmosferasyn qaıta jańǵyrtqan «Kerýen-saraı» kesheni bar.

Tashkentte týrıster Hazratı Imam tarıhı kesheni, Baraq han med­resesi, Ábý Bákir Kaffal Sha­shı, Tóle bı keseneleri syndy ta­rıhı oryndardy aralap, kóne sáý­let óneriniń syrlaryna qany­ǵady. Sonymen qatar «Magic City» taqyryptyq saıabaǵy, basqa da zamanaýı demalys oryndarynda ýaqyttaryn qyzyqty ótkize alady.

Samarqandta týrıster Shahı-Zında kesheni, Gýr-Emır kesenesi, áıgili Regıstan alańyndaǵy Sher-Dor, Tillá-Karı, Ulyqbek medre­selerin aralap, kóne órkenıettiń tarıhı muralarymen jaqynyraq tanysady.

Týrıstik poıyzdyń qorytyndy aıaldamasy – elimizdiń kóne shahar­larynyń biri Taraz qalasy. Munda tý­­rıster óńirdiń tarıhı-máde­nı mu­­ralarmen tanysyp, baı arhıtek­týra­lyq jádigerlerin tamashalaı alady.

Týrpaket qunyna komfortty týrıstik poıyzdaǵy jol júrý, joǵary deńgeıdegi servıs, kásibı gıdter jetekshiligindegi ekskýrsııalar, tamaqtaný, kirý bıletteri, transfer qyzmetteri qamtylǵan.

Týr QTJ-nyń uıymdastyrýy­men, «О́zbekstan temir joldary» kompanııasy, Týrızm komıteti, Kólik mınıstrligi, «Kazakh Tourism», Taraz qalasy, Túrkistan oblysy ákimdikteriniń qoldaýymen júzege asyrylady.