Jambyldyq dıqandar eki aptadan keıin kóktemgi dala jumystaryna kirisedi. Oblystyq aýyl sharýashylyǵy basqarmasy ókilderiniń aıtýynsha, sharýalar kóktemgi naýqanǵa tolyq daıyn, dep habarlaıdy Egemen.kz
Dıqandar 2024 jyly 488,5 mlrd. teńgeniń aýyl sharýashylyǵy ónimin óndirdi. 647 myń tonna tátti túbir jınalyp, 597 myń tonnasy qant zaýyttaryna ótkizildi.
Aýyl sharýashylyǵy basqarmasynyń basshysy Qaırat Kóshenovtiń aıtýynsha, ótken jyly aýa raıynyń qolaıly bolýy, sharýalardyń agrotehnıkalyq sharalardy jetik meńgerýi men memlekettik qoldaýdyń tıimdiliginiń arqasynda jalpy ónim kólemi 2023 jylmen salystyrǵanda 3 esege ósken.
«Sońǵy 4 jylda 25 myń gektar alqaptan 650 myń tonna ónim jınalsa, bul ónimge fermerler 1 jyldyń ishinde qol jetkizip, rekordtyq ónim aldy», – deıdi ol.
Bıyl 660 myń gektarǵa aýyl sharýashylyǵy daqyldaryn ornalastyrý (2024 j. - 626,7 myń gektar) josparlanýda. Bul kórsetkish byltyrǵy jylmen salystyrǵanda 33 myń gektarǵa kóp. Kóktemgi egis jumystaryna qajetti 55 myń tonna tuqym, 7317 dana aýyl sharýashylyǵy tehnıkasy daıyn tur.
Jambyl oblysy