Qazaqstanda mektep oqýshylaryna arnalǵan alǵashqy áskerı daıyndyq kýrsy jańartylyp, jańa oqý baǵdarlamasy engiziledi, dep habarlaıdy Egemen.kz.
Qorǵanys mınıstrligi «Alǵashqy áskerı jáne tehnologııalyq daıyndyq» pánin «Otan qorǵaýshy» dep ózgertip, osy saladaǵy bilimdi jańa deńgeıge kóterýdi josparlap otyr.
Aıta keteıik, jańartylǵan kýrs baǵdarlamasy 10–11 synyp oqýshylaryna arnalǵan jáne jalpy 72 saǵattan turady. Baǵdarlamaǵa zamanaýı pánder qosylady, olardyń ishinde:
«Áskerı robottar jáne jasandy ıntellekt»; «Aqparattyq qaýipsizdik negizderi»; «Qazaqstan Respýblıkasynyń Qarýly Kúshteri jáne Áskerı doktrınasy»; «Oqý-dalalyq modýli».Bul ózgerister patrıottyq tárbıeni kúsheıtýge, sondaı-aq jastardyń áskerı daıyndyǵyn arttyrýǵa baǵyttalǵan. Qazirgi ýaqytta joba Oqý-aǵartý mınıstrliginde talqylaný ústinde, al kýrsty engizý 2026–2027 oqý jylyna josparlanǵan.