Ekinshi dúnıejúzilik soǵys ardageri Vasılıı Grıgorash Altaı ólkesinde dúnıege kelgen. Maıdanda kórsetken erligi úshin II dárejeli «Otan soǵysy» ordenimen, «Japonııany jeńgeni úshin» medalimen marapattalǵan.
Pavlodar oblysynyń qorǵanys isteri jónindegi departamentiniń áskerı qyzmetshileri men jergilikti atqarýshy organdardyń ókilderi soǵys ardageri Vasılıı Ivanovıchti 99 jasqa tolǵan kúnimen quttyqtady.
О́ńirlik qorǵanys isteri jónindegi departamentiniń bastyǵy, maıor Bekzat Orazov maıdangerge soǵysta kórsetken erligi, jaýyngerlik rýhy men Jeńiske qosqan úlesi úshin alǵysyn bildirdi.
– Siz adam aıtqysyz qıyndyqty bastan ótkerip, jaýdyń alapat kúshine óz qarýlastaryńyzben birge qarsy turdyńyz. Sizderdiń tabandy erlikterińizdiń arqasynda Otanymyzǵa kózin alartqan jaýdyń beti qaıtyp, jeńis týyn tiktik. Soǵys jyldary jasaǵan erlik álemdik tarıh shejiresinde altyn áriptermen jazylyp qaldy. Beıbit bolashaǵymyz úshin jasaǵan jaýyngerlik isterińiz úshin urpaq sizge dán rıza, – dedi ol.
Departament basshysy Qorǵanys mınıstri general-polkovnık Rýslan Jaqsylyqovtyń atynan qart maıdangerge Alǵyshat tabys etti.
Vasılıı Grıgorash 1926 jyly 21 aqpanda Reseı Federasııasy, Altaı ólkesiniń Gýrlınka aýylynda dúnıege kelgen. Mektepti bitirgennen keıin 17 jasynda jas jaýynger ásker qataryna qyzmet etýge attandy. Aǵa serjant Vasılıı Grıgorash Baıkal áskerı okrýgi 293-dıvızııasynyń quramynda soǵysyp, bólim komandıri boldy. II dárejeli «Otan soǵysy» ordenimen, «Japonııany jeńgeni úshin» medalimen jáne basqa da mereıtoılyq nagradalarmen marapattalǵan.
1951 jyly ol Pavlodarǵa kóship kelip, lokomotıv deposyna jumysqa turdy. 1988 jyly zeınetke shyqqanda eńbek kitapshasynda bir ǵana jazý – depoda eńbek etkeni týraly baıandalǵan.
– Jastarymyz aýyrmasyn, kóńilderi qartaımasyn. Otany men týǵan otbasyn aıalasyn. Barlyq otandasyma uzaq ǵumyr tileımin, – deıdi Vasılıı ataı.
Qazirgi ýaqytta Ertis-Baıan óńirinde Ekinshi dúnıejúzilik soǵystyń alty ardageri turyp jatyr.
PAVLODAR