Úkimet otyrysynda Sý resýrstary jáne ırrıgasııa mınıstri Nurjan Nurjigitov jalpy somasy 173,7 mlrd teńgege 98 jobany iske asyrý josparlanyp otyrǵanyn aıtty, dep habarlaıdy Egemen.kz.
«Jobalardy iske asyrýdyń negizgi baǵyttarynyń biri – jalpy halyq sany 423 myń adamdy quraıtyn 153 eldi mekendi sapaly aýyz sýmen qamtamasyz etý. Osy maqsatqa jetý úshin jyl sońyna deıin toptyq sý qubyrynyń 24 jobasynyń 12-sin aıaqtaý josparlanyp otyr», dedi ol.
Sonymen qatar bıyl 256 myń gektar júktelgen aýmaqty qamtıtyn 1953 shaqyrym sýarý kanaldary paıdalanýǵa berilmek. Atalǵan jumystardyń jalpy quny 92,3 mlrd teńgeni quraǵan, bul elimizdiń agrarlyq sektoryn damytýǵa zor úles qosady.