Atalǵan ózen – Qostanaı oblysyna qarasty Qarasý aýdanynyń Novoselovka aýyly mańynda ornalasqan, dep habarlaıdy Egemen.kz.
Sý tasqynyna qarsy is-sharalar sheńberinde júrgiziletin ózenderdegi jarylys jumystarynyń negizgi maqsaty – sý deńgeıiniń kóterilýine jáne eldi mekenderdi sý basýyna ákelýi múmkin muz keptelisteriniń paıda bolýyn boldyrmaý.
TJM málimetinshe erigen qar sýynyń kedergisiz ótýin qamtamasyz etý úshin 4 myń tekshe metr muz buzyldy. Jarylys jumystaryn júrgizý tótenshe jaǵdaılardyń týyndaý qaýpin tómendete otyryp, sý burý arnasynyń ótkizý qabiletin arttyrýǵa yqpal etedi.
Barlyq jumystar mamandardyń baqylaýymen qaýipsizdik sharalaryna qatań sáıkestikte oryndalǵan.