Jambyl oblysynda «Boryshker -2025» jedel aldyn-alý is-sharasy ótkizilip jatyr. Is-shara aıyppuldy der kezinde óndirip, buqaraǵa ákimshilik aıyppuldy ýaqytyly óteý qajettigin túsindirýge baǵyttalǵan, dep habarlaıdy Egemen.kz Jambyl oblystyq polısııa departamentiniń baspasóz qyzmetine silteme jasap.
Jolda ótkizilgen reıdtik is-shara kezinde patrýldik polısııa qyzmetkerleri boryshkerlerdiń tıisti derekqory negizinde avtokólikterdiń nómirin teksergen. Tekserý barysynda kólik júrgizýshi sol tizimnen tabylsa, avtokólikti qaryz ótelgenge deıin aıyp turaǵyna qoıý mindettelgen.
«Reıdtiń eki kúninde óndirilgen soma 34 mıllıon 901 myń teńgeni qurady. Polısııa qyzmetkerleri boryshkerlerdiń 1429 mekenjaılary boıynsha aýlalaryn aralap shyqty. Sot oryndaýshylarynyń qaýlylaryna sáıkes mamandandyrylǵan aıyp turaǵyna 218 boryshkerdiń avtokóligi qoıyldy», deıdi Jambyl oblystyq PD ÁPB bastyǵynyń orynbasary Erjan Mananbaev.