Astanadaǵy qoljazbalar jáne sırek kitaptar ulttyq ortalyǵynda Jeńistiń 80 jyldyǵyna jáne Keńes Odaǵynyń Batyry, dańqty qolbasshy, jazýshy Baýyrjan Momyshulynyń 115 jyldyq mereıtoıyna oraı «Baýyrjan Momyshuly – aty ańyzǵa aınalǵan qolbasshy» atty kórme ótti, dep habarlaıdy Egemen.kz.
Mádenıet jáne aqparat mınıstrliginiń málimetinshe, kórmede Baýyrjan Momyshulynyń jeke kúndeligi, 1955-1956 jyldary Kalının qalasynda paıdalanǵan qoıyn dápteri, soǵys kezindegi qoldanǵan jeke kartasy, portreti, foto-sýretteri, qaharmandyq erligi týraly jazylǵan kórkem týyndylar men Uly Otan soǵysy jaıly tarıhı kitaptar qoıylǵan.
Is-sharaǵa Qazaqstan Respýblıkasy Qarýly Kúshteri Ulttyq áskerı-patrıottyq ortalyǵynyń ókilderi, Ulttyq ulan ardagerler keńesiniń músheleri, Keńes Odaǵynyń Batyry, Halyq Qaharmany, armııa generaly S.Q. Nurmaǵambetov atyndaǵy Áskerı kolledjiniń jas ulandary, stýdentter men arhıv qyzmetkerleri, tarıhshy, ǵalymdar qatysty.