Keıde tanys bir hosh ıis balalyq shaǵymyzdy, týǵan úıimizdi, aýylymyzdy, eske túsirip, júrekti jylytady. «Maison Okami» shamdary dál osy sezimder arqyly adamdarǵa umytylmas emosııa syılaıdy.
Bul brendtiń artynda Qanat Imataev pen Kım Iаna tur. Otbasylyq jup kásibin 2023 jyly ashqan. Olardyń maqsaty – jaı ǵana hosh ıisti shamdar jasaý emes, ulttyq mádenıetti dáripteý, qazaq rýhanııatyn zamanaýı turǵyda tanytý eken.
– Bul – júrekten shyqqan joba. Biz tek ádemi shamdar jasaýdy emes, mádenıetimizdi hosh ıis arqyly jańǵyrtýdy maqsat ettik. Brendtiń eń alǵashqy týyndysy – qazaqy oıý-órnekpen kómkerilgen kesedegi sham. Ultymyzdyń qarapaıym turmysynda mańyzdy oryn alǵan kese – endi tek shaı ishýge ǵana arnalyp qoımaı, janǵa jylý syılaıtyn shamǵa da aınaldy. Bul erekshe ónim kóptiń kóńilinen shyǵyp, ulttyq naqyshtaǵy ınterer buıymdaryn unatatyn jandardyń súıikti dúnıesine aınaldy. Biri ony týǵan jerin eske alý úshin alsa, endi biri qazaq mádenıetimen jaqynyraq tanysý maqsatynda satyp aldy. Kóbine shetelge alyp ketip jatady. Shamdarymyzǵa Japonııa, Aýstralııa, Italııa, Skandınavııa, Nıderland sııaqty elderde suranys joǵary, – deıdi Qanat Imataev.
Bul shamdarynyń basty ereksheligi – ekologııalyq taza materıaldardan jasalýy. Olar tabıǵı soıa men kokos balaýyzynan quıylady. Iаǵnı parafın shamdarǵa qaraǵanda zııandy tútin shyǵarmaıtyn, ekologııalyq turǵyda qaýipsiz ári uzaq janatyn ónim. Sonymen qatar shamdarda AQSh-tyń eń sapaly hosh ıisti maılary qoldanylady. Al eń qyzyǵy, olardyń árqaısysy qazaq dalasynyń, kóshpendi ómir saltynyń, tabıǵatymyzdyń bir bólshegin beıneleıtin muqııat tańdalǵan kompozısııalardan turady.
– Biz Qytaıdan 100 teńgege alyp, ony Qazaqstanda 150 teńgege satýdy kózdegen joqpyz. О́z óndirisimizdi damytyp, sapaly ónim jasaýdy, ulttyq mádenıetimizdi dáripteýdi maqsat ettik. Bizdiń dástúrimiz ben mádenıetimiz – óte baı. Ol myńdaǵan jyldar boıy qalyptasqan. Álemge áıgili «Hermes», «New Balance», «Cartier», «Gucci» syndy brendter óz kolleksııalarynda Ortalyq Azııanyń, sonyń ishinde bizdiń kóshpendi mádenıetimizden shabyt alǵan desedi. Al sol alyp aǵashtyń japyraǵy retinde óz mádenıetimizdi nasıhattaý – árqaısymyzdyń boryshymyz. О́tken jyly kıiz úı pishinindegi sham shyǵaryldy, ol halyq arasynda úlken suranysqa ıe boldy. Bıyl Naýryz merekesine oraı túıe pishinindegi sham jasaldy. Bul – qazaq halqynyń kóshpeli tarıhyn, dástúrin beıneleıtin mańyzdy sımvol, – deıdi Qanat.