Túrkistan oblysy Shardara aýdany Jaýshyqum aýylyndaǵy JGQS-ta bolǵan jarylys saldarynan eki adam zardap shegip, úsh adam aýrýhanaǵa túsken. Keıin medısına mekemesine jetkizilgen úsheýdiń bireýi qaıtys bolǵany týraly aqparat tarady, dep habarlaıdy Egemen.kz.
TJD aqparaty boıynsha, janarmaı-gaz quıý stansııasynda jarylys 21 naýryz kúni jeńil avtokóliktiń janarmaı stansııasyna kelip soǵylýynan bolǵan.
- Sonyń saldarynan ydystan gaz shyǵyp, ol aýamen aralasyp tutandy. О́rt jaqyn jerde turǵan kólikti sharpydy, - delingen habarlamada.
Jarylystan eki adam oqıǵa ornynda qaza taýyp, úsh turǵyndy kúıik shaldy. Olar shuǵyl túrde aýrýhanaǵa jetkizildi.
Tótenshe jaǵdaılar qyzmetiniń mamandary órtti sóndirdi.
Keıin Túrkistan oblystyq densaýlyq saqtaý basqarmasy medısına mekemesine jetkizilgen úsh adamnyń bireýi qaıtys bolǵanyn habarlady. Ol 22 naýryz kúni kóz jumǵan. Qalǵan ekeýi hırýrgııa bólimshesinde em-dom alyp jatyr, jaǵdaılary ortasha. Keńes alý úshin kombýstıolog pen reanımatolog shaqyryldy.