Búgin Májilistiń jalpy otyrysynda depýtat Temir Qyryqbaev bilim berý salasyndaǵy ashyqtyq pen sybaılas jemqorlyqtyń aldyn alý týraly másele kóterdi, dep jazady Egemen.kz.
Depýtattyń dereginshe, 2023 jyldyń basynan beri bilim berý salasynda 303 qylmystyq is tirkelip, jalpy shyǵyn 17,5 mlrd teńgeni quraǵan. Kóp qarjy jymqyrý faktisi Jetisý, Túrkistan, Qyzylorda, Almaty oblysynda jáne Almaty qalasynda anyqtalǵan.
Osy baǵytta 249 adam jaýapkershilikke tartylǵan. Olardyń arasynda 10 bilim bóliminiń basshysy, 2 kolledj dırektory, 28 mektep dırektory, 21 balabaqsha basshysy jáne 136 esepshi bar.
Temir Qyryqbaev pedagogıkalyq kadrdy irikteýdiń jańa erejesi engizilgenine qaramastan mektepke qyzmetke turý úshin zańsyzdyqqa barý faktileri tyıylmaı turǵanyn atap ótti.
«Halyq arasynda mektepke jumysqa ornalasý úshin dırektorǵa nemese basqarma qyzmetkerine «zańsyz syıaqy» berý qajet degen qaýeset jeldeı esip júr. О́ıtkeni ońtústik óńirde jumyssyzdyq statıstıkada kórsetilgennen álde qaıda joǵary. Aýyldyq jerlerde mektep, balabaqsha, klýb úıinen basqa jumys kózi tapshy. Sondyqtan muǵalim bolýǵa talpynatyndar tym kóp. Tipti laborant nemese tehnıkalyq qyzmetker bolý úshin de zańsyz aqsha berý jaǵdaılary kezdesedi. Sonymen qatar, qyzmetkerlerdiń jumystan shyqpaý úshin jalaqysynyń bir bóligin berý faktileri týraly da aıtylyp jatyr. Al kásibı biliktiligi tómen mamandardyń, tipti zańsyz jolmen jumysqa ornalasqandardyń sabaq berýi bilim júıesindegi adaldyq pen kásibı etıkanyń buzylýyna ákeletini anyq», dedi depýtat.
Muǵalim – tek bilim berýshi ǵana emes, bolashaq urpaqtyń adamgershilik qundylyǵyn qalyptastyrýshy ekenin eskergen depýtat bilim berý salasyndaǵy kadrlardy basqarýdyń biryńǵaı elektrondyq bazasyn qurýdy usyndy.
«Jumysqa ornalasý prosesiniń ashyqtyǵyn qamtamasyz etip, pedagogıkalyq kadrlardy irikteýdiń ashyq jáne ádil júıesin qamtamasyz etý qajet. Qoǵamdyq baqylaýdy kúsheıtý mańyzdy. Iаǵnı ata-analar komıteti jáne basqa qoǵamdyq uıymdardyń bilim berý prosesine jáne qarjylyq qyzmetke qatysýyn keńeıtý kerek», dedi T. Qyryqbaev.