«Qazgıdromet» RMK 1 sáýir kúni elimizde bolatyn aýa raıy boljamymen bólisti, dep habarlaıdy Egemen.kz.
Barıkalyq qurylymdardyń ózgerýi Qazaqstannyń kóp bóliginde aýa raıynyń turaqsyz bolýyna sebep bolady, jańbyr men naızaǵaı bolady, soltústik jáne shyǵys aımaqtarda túnde jańbyrdyń qarǵa aýysýy múmkin.
Tek ortalyq jáne ońtústik aımaqtarda joǵary qysym aımaǵynyń áserinen negizinen jaýyn-shashynsyz aýa raıy bolady.
Batys, soltústik jáne shyǵys aımaqtarda jel kúsheıedi, taýly aımaqtarda tuman bolady.
Qazaqstannyń basym bóliginde kúndizgi temperatýra 8-13°C-tan 15-20°C-qa deıin kóteriledi, ońtústikte 18-23°C-tan 20-28°C-qa deıin, ońtústik-shyǵysta 12-20°C-tan 18-23°C-qa deıin, shyǵysta 5-15°C, al batysta 15-25°C-tan 13-22°C-qa deıin tómendeýi múmkin.