Aqparattyq-túsindirý toptarynyń múshelerine arnalǵan oqytý semınarlary men trenıngteri 1-2 sáýirde iske asyryldy, dep habarlaıdy Egemen.kz.
Qalanyń «Aqtóbe» qonaq úıinde, «Úmit» májilis zalynda QR Mádenıet jáne aqparat mınıstrliginiń Din isteri komıtetiniń jáne «Azamattyq bastamalardy qoldaý ortalyǵy» KeAQ-nyń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵynyń», meshitterdiń, orta jáne joǵary oqý oryndarynyń jáne t.b mamandary, ımamdary, psıhologtary, teologtary qatysty.
Jıynda din máseleleri boıynsha túsindirý tobynyń músheleri – dintaný mamany Taldybaev Tólegen О́mirzaquly «Áleýmettik jelide jat aǵym ıdeologııasyn aıqyndaý tehnıkasy men BAQ-pen jumys jasaý negizderi» taqyrybymen qatysýshylarǵa qazirgi ǵalamtor arqyly zııandy kontenttiń manıpýlıasııa, radıkaldy kózqarastar, emosııalyq áser etý sııaqty negizgi belgileri týraly túsindirdi. Al dáristiń ekinshi bóliminde «Jańa zamanda aqparattyń taralý kózderi men prınsıpteri. Aqparat kózderin irikteý tásilderi» taqyrybyna saı aqparattyq oqytý órisin qalyptastyrý boıynsha qajetti aqparatty jınaqtaý-irikteý praktıkalary júrgizildi. Sondaı-aq, aqparat kózderin taldaý, onyń shynaıylyǵyn tekserý jáne jasyryn maqsattardy anyqtaý ádisteri de kórsetildi.
Sonymen qatar, semınardy rıtorıka mamany Amanbek Tolqyn jalǵastyryp, «Effektıvnaıa kommýnıkasııa. Konflıktologııa» taqyrybynda qatysýshylarǵa tıimdi qarym-qatynas ornatý jáne konflıkttermen jumys isteý úshin paıdaly quraldardy usyndy. Sonymen birge, sóıleý tehnıkasynyń meńgerýdiń tıimdi joldaryn atap ótip, durys dıalog qurýǵa, únniń qulaqqa jaǵymdy, sózdiń, býynnyń ashyq, aıqyn bolýyna septigin tıgizetin tásildermen bólisti.
Sonymen qatar, semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.