Aqmola oblysynyń Astrahan aýdanynda Qalqutan ózeniniń tasýyna baılanysty eski Kolýton aýylyn sý basty, dep habarlaıdy Egemen.kz.
Qarǵyn sý kóshelerge jaıylǵanymen, turǵyn úılerdiń ishine enbegen. Qazirgi tańda 1000-nan astam qum qap tóselip, 300 tekshe metr sý sorylyp jatyr.
Apat saldarynan aýyldan 21 adam evakýasııalanyp, 100-den asa iri qara men usaq mal qaýipsiz jerge kóshirilgen.
Sý tasqyny Jaqsy aýdanyna da zardabyn tıgizgen. «Astana–Atbasar–Jaqsy–Rýzaevka–Sarykól–Qostanaı» baǵytyndaǵy respýblıkalyq mańyzy bar tas joldy sý shaıyp ketken.
Tótenshe jaǵdaılar qyzmetiniń málimetinshe, eskertýge qaramastan jolmen ótpek bolǵan kólikti tasqyn sý jıegine aǵyzyp áketip, júrgizýshi kóz jumǵan.
Qazirgi tańda jaǵdaı baqylaýǵa alynǵanymen, turǵyndarǵa qaýipsizdik sharalaryn qatań saqtaý eskertildi.