Pioneer otbasylyq kýrortynyń basshysy Murat Qarataı Úkimet otyrysynda ınklıýzıvti balalar kýrortyn qurý tájirıbesi týraly aıtyp, Qazaqstanda osy baǵytty odan ári damytýdy usyndy, dep habarlaıdy Egemen.kz.
Ol Rioneer otbasylyq ınklıýzıvti kýrorty 2015 jyly Almaty qalasynyń Medeý aýdanynda, Qazaqstannyń eń kóne taý shańǵysy betkeıleriniń biriniń bazasynda qurylǵanyn atap ótti.
«Eger memleket bazalyq taý ınfraqurylymyn qamtamasyz etse, Alpi elderinde ǵasyrlar boıy qalyptasqan mundaı otbasylyq bıznes-keıster bizdiń elimizde odan da kóp bolar edi. Qazaqstan birgegeı tabıǵı resýrstarǵa ıe bola otyryp, dál osyndaı baǵytta damýy tıis dep senemiz. Taýǵa shyǵý barlyq balalar úshin qoljetimdi ári qaýipsiz bolýy kerek. Bizdiń baǵdarlamalarymyz arqyly 6 myńnan astam bala ótti. 100-den astam ınstrýktor daıyndadyq. Dúnıejúzilik banktiń qoldaýymen ǵylymı zertteý júrgizildi. Bul – jaı ǵana sandar emes. Bul – alǵash ret sóılegen, júrgen, qarym-qatynasqa túse bastaǵan balalar. Bul – úmiti qaıta oıanǵan otbasylar», dedi Murat Qarataı.
Murat Qarataı búginde elimizde balalar men otbasylyq týrızmdi damytý máselesi ózekti ekenin, jyl saıyn erekshe bilim berý qajettilikteri bar balalar sany artyp keletinin, olardyń sany 300 myńnan asatynyn aıtty.
Aıta keteıik, Almaty taý klasteri modeldi keńeıtýge, otbasylarǵa, balalarǵa, qaýipsizdikke jáne áleýmettik ınklıýzııaǵa baǵdarlanǵan jańa úlgidegi mamandandyrylǵan kýrorttardy damytýda sheshýshi ról atqara alady.
Sonymen qatar ol respýblıkada ınklıýzıvti jáne balalar kýrorttarynyń jelisin qurýdy, sondaı-aq ınklıýzıvti jáne balalar týrızmi boıynsha mamandar daıarlaýdyń Ulttyq ortalyǵyn qurýdy usynǵan.
QR Premer-mınıstri Oljas Bektenov Úkimet bul máselede mindetti túrde qoldaý kórsetetinin atap ótti.
«Almaty taý klasterin damytý sheńberinde balalar týrızmi úshin, onyń ishinde erekshe balalar úshin ınfraqurylymdy qamtamasyz etý qajet», dep atap ótti Oljas Bektenov.