Memleket basshysy Qasym-Jomart Toqaev Chevron korporasııasy dırektorlar keńesiniń tóraǵasy Maıkl Ýırtti qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda Qazaqstan Prezıdenti men amerıkalyq Chevron energetıkalyq korporasııasy dırektorlar keńesiniń tóraǵasy strategııalyq áriptestiktiń qazirgi ahýaly men perspektıvasyn talqylady.
Memleket basshysy Chevron kompanııasymen seriktestik elimizdegi energetıka salasyn turaqty damytýda negizgi ról atqaratynyn atap ótti. Qasym-Jomart Toqaev Maıkl Ýırtti «Teńiz» ken ornyn keńeıtý jobasynyń tabysty aıaqtalýymen quttyqtady.
Kezdesýde iri ınvestısııalyq jobalarǵa, sonyń ishinde gaz jáne munaı hımııasy óndirisine erekshe nazar aýdaryldy.
Prezıdent otandyq kompanııalardyń munaı-gaz sektoryndaǵy úlesin arttyrýdyń ózektiligin atap ótip, Chevron kompanııasymen ózara tıimdi ári uzaq merzimdi yntymaqtastyqty tereńdetýge daıyn ekenine toqtaldy.
Maıkl Ýırt Qazaqstan kompanııanyń strategııalyq ári senimdi seriktesi bolyp qala beretinin jetkizdi. Sondaı-aq «Teńizshevroıl» birlesken kásiporny 1993 jyldan 2024 jylǵa deıin elimizge aıtarlyqtaı ınvestısııa salǵanyn aıtty.