Áleýmettik jelide seksenniń seńgirindegi aqsaqaldyń júz jasqa tolǵan anasyna meıirlene erkelep otyrǵan beınesi kópshiliktiń yqylasyna bólendi, dep habarlaıdy Egemen.kz.
Sáýleli sátti paraqshasyna jarııalaǵan ázız ájeniń nemeresi Álııa О́temalıeva esimdi aqtaýlyq kásipker. Ol vıdeomen birge ájesine rııasyz rızashylyǵyn bildiretin jazba qaldyrǵan.
«5 mezgil namazyn qaza qylmaǵan, apam meniń. Balalaryn dáretsiz emizbegen appaq ájem bizdi jaqsy tárbıeledi», deıdi ol.
Vıdeonyń astyna jeli qoldanýshylary «bul árkimge buıyra bermeıtin baqyt», «qandaı ǵajap kórinis» degen maǵynada pikir qaldyryp, áýlet shańyraǵyna izgi tilekterin jaýdyryp jatyr. Sirá, «eseıip ketsem de men saǵan sábımin» degen osy bolsa kerek.