QR IIM Ulttyq ulanynyń 5512 áskerı bóliminiń áskerı qyzmetshileri qala qaýipsizdigin qamtamasyz etý kezinde Saǵadat Nurmaǵambetov kóshesinde janyp jatqan Volkswagen Golf markaly avtokólikti baıqady.
Áskerı jasaqtyń bastyǵy qatardaǵy jaýynger Ernur Amanqul oqıǵa týraly dereý áskerı jasaqtar boıynsha kezekshige habarlap, 101 shuǵyl qyzmetin shaqyrdy. Ol kólikti qaýipsiz jerge súırep aparyp, órt sóndirgishtiń kómegimen órtti joıdy. О́rt qutqarýshylar kelgenge deıin sóndirildi.
- Júrgizýshi abdyrap qalǵan sııaqty. Ol jalynǵa oranǵan kóliktiń aldynda ne isterin bilmeı turdy. Men órt sóndirgishti júk salǵyshtan shyǵaryp, jalyndy toqtatýdy bastadym. Sodan keıin men akkýmýlıatordy sheship aldym. Biz ótip bara jatqan adamdardyń eshqaısysy zardap shekpeýi úshin órt aýmaǵyn qorshadyq, — dedi áskerı jasaq bastyǵy qatardaǵy jaýynger Ernur Amanqul.
О́rt sóndirýshiler kelgenge deıin ulandyqtar jalynmen sátti kúresti. Zardap shekkender joq. Áskerı qyzmetshilerdiń jedel áreketteriniń arqasynda syn-qaterlerdiń aldyn alýǵa múmkindik týdy.
Júrgizýshi ulandyqtarǵa jedel kómek kórsetkeni úshin alǵys aıtty.