ASTANA. 5 mamyr. Aqtaýda júrip bara jatqan kóliktiń artqy esiginen sábı qulap ketti. Bul týraly lada.kz habarlady.
Atalǵan keleńsizdik týraly beınejazba YouTube-te jarııalandy. Bul oqıǵa artta kele jatqan avtokóliktiń beınetirkegishine túsip qalǵan.
Beınejazbada «Aqtaý» saýda-oıyn saýyq kesheni mańyndaǵy kóshe qıylysynda kele jatqan kólikten kishkentaı balanyń qulap túskeni anyq kórinedi. Kólik kilt toqtap, ishinen er adam men áıel júgirip shyǵady. Olar jolda jatqan balany kóterip alyp, jónderine ketken.
Qazirgi tańda sábıdiń densaýlyǵy jóninde naqty derekter joq. Esterińizde bolsa, elimizde 2015 jyly jańartylǵan Jol júrý erejesi kúshine engen bolatyn. Zańdaǵy ózgeristerge sáıkes, júrgizýshiler 12 jasqa deıingi balalardy arnaıy quraldar – qaýipsizdik beldigi nemese avtooryndyqtarmen ǵana tasymaldaýǵa mindetti.
Elaman Qońyr.
Derek, sýret: lada.kz.