Elordada Abaı Qunanbaıulynyń 180 jyldyǵyna oraı, qalanyń basty nysandarynyń birine aınalǵan sholý dóńgeleginde LED jaryqtandyrý arqyly Uly aqynnyń portreti beınelendi, dep habarlaıdy Egemen.kz.
Dıagonali 65 metrdi quraıtyn alyp ınstallıasııa 53 myń pıkselden turady jáne túngi qala kelbetine kórik berip, alystan anyq kórinedi. Abaıdyń beınesi Saryarqa men Turan dańǵyldarynan, sondaı-aq Qorǵaljyn tas joly jaǵynan kózge túsedi.
Bul bastama uly tulǵanyń rýhanı murasyn ulyqtaýǵa baǵyttalǵan. Joba avtorlary ınstallıasııany odan ári tolyqtyryp, sholý dóńgelegi arqyly Abaı Qunanbaıulynyń qanatty sózderi men óleń joldaryn jarııalaýdy josparlap otyr.