Jarqyn jeńisimen quttyqtady

Qazaqstan Prezıdenti Nursultan Nazarbaevtyń atyna memleket, úkimet basshylarynan, halyqaralyq uıymdardyń jetekshilerinen saılaýdaǵy jeńisine baılanys­ty quttyqtaýlar áli de kelip jatyr Elbasy Nursultan Nazarbaev telefon arqyly Egıpet Prezıdenti Ábdel Fattah as-Sısımen sóılesti, dep habarlady Prezıdenttiń baspasóz qyzmeti. Egıpet Prezıdenti Ábdel Fattah as-Sısı Memleket basshysyn prezıdenttik saılaýdaǵy tarıhı jeńisimen jáne qyzmetine kirisýimen quttyqtady. Áńgimelesý barysynda eki memleket basshylary Qazaqstan-Egıpet yntymaqtastyǵynyń basymdyǵy bar baǵyttaryn talqylap, saýda-ekonomıka salasyndaǵy ózara is-qımyldy jandandyrý joldaryn pysyqtady. Ábdel Fattah as-Sısı elderimiz arasyndaǵy san ǵasyrlyq dostyq pen ózara tıimdi yntymaqtastyqqa negizdelgen qarym-qatynastyń aldaǵy ýaqytta da Qazaqstan men Egıpettiń dostas halyqtary múddesine tıimdi qyzmet ete beretinine senim bildirdi. * * * Memleket basshysy Nursultan Nazarbaev telefon arqyly Cheh Respýb­lıkasynyń Prezıdenti Mılosh Zemanmen sóılesti, dep habarlady Prezıdenttiń baspasóz qyzmeti. M.Zeman Nursultan Nazarbaevty prezıdenttik saılaýdaǵy aıqyn jeńisimen quttyqtap, Qazaqstan kirisip jatqan aýqymdy reformalardy júzege asyrý isinde tabys tiledi. Eki memlekettiń basshylary Chehııa Prezıdentiniń elimizge 2014 jylǵy qarashada jasaǵan saparynyń qorytyndysyn eskere otyryp, ekijaqty qarym-qatynasty damytýdyń perspektıvalaryn talqy­lady. Áń­gi­melesýge chehııalyq tarap bastamashylyq etti. * * * Nursultan Nazarbaevtyń Qazaqstan Pre­zıdenti bolyp saılanýyna baılanysty Iz­raıl Premer-mınıstri Benıamın Neta­nıa­hý­dan quttyqtaý jedelhaty keldi, dep ha­barlady Prezıdenttiń baspasóz qyzmeti. B.Netanıahý elimizdiń ekonomıkalyq ósip-ór­kendeý jolymen budan ári de ilgerileı túsýine nıet­testik bildirdi. «Aldaǵy jyldary Izraıl men Qazaqstan ara­syn­daǵy qarym-qatynasty nyǵaıtý jumysyn Sizben birlese otyryp jalǵastyramyz degen úmit­temin», – delingen jedelhatta. Nursultan Nazarbaevtyń Qazaqstan Prezıdenti bolyp saılanýyna baılanys­ty Oman sultany Kabýs ben Saıdtan quttyqtaý jedelhaty keldi, dep habarlady Prezıdenttiń baspasóz qyzmeti. Kabýs ben Saıd Nursultan Nazarbaevty Qazaqstan Prezıdenti laýazymyna qaıta saılanýymen quttyqtady. «Sizdiń osy laýazymdaǵy qyzmetińizdiń jalǵasýy kezinde biz halyqtarymyzdyń ortaq ıgiligi úshin yntymaqtastyǵymyzdyń aıasyn keńeıtýge degen shynaıy yqylasymyzdy jetkizgimiz keledi», – delingen jedelhatta. Oman sultany dostas Qazaqstan halqynyń budan ári ilgerileýi men ósip-órkendeýine baǵyttalǵan Memleket basshysynyń bastamalaryna tabys tiledi. * * * Nursultan Nazarbaevtyń Qazaqstan Prezıdenti bolyp saılanýyna baılanysty Moldova Respýblıkasynyń Prezıdenti Nıkolae Tımoftıden quttyqtaý jedelhaty keldi, dep habarlady Prezıdenttiń baspasóz qyzmeti. N.Tımoftı Nursultan Nazarbaevtyń prezıdenttik saılaýdaǵy aıqyn jeńisine baılanysty  shyn júrekten quttyqtaıtynyn jetkizdi. Moldova Prezıdenti Qazaqstan azamattarynyń erik-qalaýy men saılaýda qol jetkizilgen nátıje Qazaqstan qoǵamyn reformalaýdy jalǵastyrý jáne respýblıkany álemdik qoǵamdastyqpen yqpaldastyrý jolymen ilgeriletý  baǵytynda júrgizilip kele jatqan eldegi saıasatty qoldaýdyń dáleli ekenin atap ótken. «Joǵary memlekettik laýazymdaǵy Sizdiń qyzmetińiz Qazaqstannyń odan ári ósip-órkendeýine jáne eki eldiń de halqynyń ıgiligi úshin ózara tıimdi Moldova-Qazaqstan yntymaqtastyǵynyń óristeýine septigin tıgizedi dep nyq senim bildiremin», – delingen jedelhatta. Sondaı-aq, N.Tımoftı Qazaqstan Prezıdentin resmı saparmen Moldovaǵa kelýge shaqyryp, sapar eki el arasyndaǵy dástúrli dostyq qarym-qatynastar aıasyn keńeıtýge jáne ony tereńdete túsýge eleýli serpin bererine senim bildirdi. Nursultan Nazarbaevqa Moldova Prezıdenti myqty densaýlyq, joǵary memlekettik qyzmette tabys, al Qazaqstan halqyna tatýlyq pen baq-bereke tiledi. * * * Saýd Arabııasynyń Koroli Salman ben Ábdel Ázız Ál Saýd Nursultan Nazarbaevqa Qazaqstan Respýblıkasy Prezıdenti laýazymyna saılanýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti. Salman ben Ábdel Ázız Ál Saýd Nursultan Nazarbaevty Qazaqstan Respýblıkasy Prezıdenti laýazymyna qaıta saılanýyna baılanysty Saýd Arabııasy Úkimetiniń jáne halqynyń atynan quttyqtap, oǵan myqty densaýlyq, al dostas Qazaqstan halqyna baq-bereke tiledi. «Osy múmkindikti paıdalana otyryp, biz Saýd Arabııasy men Qazaqstannyń arasyndaǵy baýyrlastyq, dostyq baılanysty joǵary baǵalaıtynymyzdy aıtqym keledi. Baýyrlas elderimiz arasyndaǵy ózara qarym-qatynastardy barlyq salada budan ári de nyǵaıtyp, damyta berýge nıettimiz», – delingen jedelhatta. * * * Iran Islam Respýblıkasynyń Pre­zıdenti H.Rýhanı Nursultan Nazarbaevty Qazaqstan Prezıdenti laýazymyna qaıta saılanýymen quttyqtady, dep habarlady Prezıdenttiń baspasóz qyzmeti. «Halyq jasaǵan tańdaý bizdiń ekijaqty yntymaqtastyǵymyz aıasynda josparlanǵan baǵdarlamalardy júzege asyrýda jemisti jumys isteýimizge jaqsy múmkindik beredi», – delingen jedelhatta. Iran Prezıdenti Elbasyna myqty densaýlyq pen zor tabys, al dostas Qazaqstan halqyna  baq-bereke tiledi. * * * Nursultan Nazarbaevqa Qazaqstan Prezıdenti laýazymyna saılanýyna baılanysty Shveısarııa Konfederasııasynyń Prezıdenti Sımonetta Sommarýga quttyqtaý jedelhatyn joldady, dep habarlady Prezıdenttiń baspasóz qyzmeti. S.Sommarýga Shveısarııa Federaldyq keńesi atynan Nursultan Nazarbaevty Qazaqstan Respýblıkasynyń Prezıdenti laýazymyna qaıta saılanýymen quttyqtady. «Qazaqstanda reformalardy júzege asyrý jáne demokratııany nyǵaıtý baǵytyndaǵy Sizdiń kúsh-jigerińizdiń barynsha tabysty bolýyn tileımin. Eldiń ál-aýqatyn arttyrý jónindegi saıasatyńyz sátti bolady dep úmittenemin. Biz budan ári de ortaq múdde jolynda elderimiz arasyndaǵy ıgi qarym-qatynasty damyta alatynymyzǵa senimdimin. Shveısarııanyń Astanada ótetin «EKSPO-2017» kórmesine qaty­sýy seriktestigimizdiń aıasyn keńeıte túsýge tamasha múmkindik týdyrady», – delingen jedelhatta. * * * Slovakııa Respýblıkasynyń Prezıdenti Andreı Kıska  Nursultan Nazarbaevty Qazaqstan Respýblıkasynyń Prezıdenti laýazymyna qaıta saılanýymen quttyqtady, dep habarlady Prezıdenttiń baspasóz qyzmeti. «Elderimiz arasyndaǵy dostyq qatynastar men syndarly dıalog aldaǵy ýaqytta da ózara múddelik bar barlyq salada nyǵaıa otyryp óristeı beretinine senimdimin», – delingen jedelhatta. Slovakııa Prezıdenti Memleket basshysyna myqty densaýlyq, Qazaqstan azamattarynyń ıgiligi jáne eldi beıbit ári ornyqty damytý jolyndaǵy qyzmetine tabys tiledi. * * * Nursultan Nazarbaevqa Qazaqstan Prezıdenti laýazymyna saılanýy­na baılanysty Aýǵanstan Islam Res­pýblıkasynyń Prezıdenti Ashraf Ganı Ahmadzaıdyń quttyqtaý jedelhatyn joldady, dep habarlady Prezıdenttiń baspasóz qyzmeti. A.Ahmadzaı Nursultan Nazarbaevty Qazaqstan Respýblıkasynyń Prezıdenti laýazymyna qaıta saılanýymen quttyqtady. Aýǵanstan Prezıdenti eki el arasyndaǵy yntymaqtastyq aıasynyń odan ári keńeıýinen úmittenetinin jetkizip, Memleket basshysyna tabys, al dostas Qazaqstan halqyna baqyt pen qut-bereke tiledi. * * * Nıderland Premer-mınıstri Mark Rıýtte Nursultan Nazarbaevty Qazaqstan Prezıdenti laýazymyna qaıta saılanýymen quttyqtady, dep habarlady Prezıdenttiń baspasóz qyzmeti. «Sizdiń Nıderlandqa saparyńyzdy jáne bizdiń 2014 jylǵy naýryzdaǵy syndarly kezdesýimizdi jyly sezimmen eske alamyn. О́zara saıası jáne ekonomıkalyq baılanystardy odan ári damytý elderimizge ıgi yqpal ete alady, sondyqtan men ózara múddelilik bar máselelerdiń keń aýqymy boıynsha syndarly dıalogymyzdy jalǵastyratynymyzǵa senimdimin. Budan ári de ekijaqty jáne kópjaqty negizdegi yntymaqtastyqtan úmittimin», – delingen jedelhatta. Nıderland Premer-mınıstri Qazaqstan kirisip jatqan reformalar baǵdaryn da atap ótti. «Sizderdiń jańǵyrtý jónindegi josparlaryńyz gollandtyq kompanııalardyń ınnovasııalyq sıpatymen sáıkesedi. Bizdiń kompanııalarymyzdyń kóptegen salada, ásirese, energetıka, munaı hımııa­sy jáne aýyl sharýashylyǵynda berik baılanys­tary bar. Alda bizdi kóptegen múmkindikter kútip turǵanyna senimdimin», – delingen quttyqtaýda. * * * AQSh Memlekettik hatshysy Djon Kerrı Nursultan Nazarbaevqa Qazaqstan Respýblıkasy Prezıdenti laýazymyndaǵy jańa merziminiń bastalýyna baılanysty eń jaqsy tilekterin bildirdi, dep habarlady Prezıdenttiń baspasóz qyzmeti. «AQSh Qazaqstannyń Úkimetimen jáne halqymen qaýipsizdik, baqýattylyq, adam quqyǵy salasynda, sondaı-aq, Qazaqstanda jáne óńirde demokratııalyq, táýelsiz ınstıtýttardy, azamattyq qoǵamdy damytýdaǵy ortaq maqsattar boıynsha birge jumys isteýden úmittenedi. Biz halyqtarymyzdyń arasyndaǵy baılanystardy keńeıtýge beıildimiz. AQSh Qazaqstanmen óńirlik jáne jahandyq qaýipsizdikti saqtaýdaǵy strategııalyq seriktes retinde, sondaı-aq, Qazaqstan kóshbasshy bolyp tabylatyn ıadrolyq qarý taratpaý salasynda birge jumys isteýge daıyn. Biz budan ári de Qazaqstannyń el ekonomıkasyn ártaraptandyrý, óńirlik ekonomıkalyq yntymaqtastyqty keńeıtý jónindegi umtylysyna yqpal etýge daıynbyz», – delingen  jedelhatta. ____________________________ Elbasynyń atyna memleketter men úkimetter basshylarynan, shetel memleketteriniń zań shyǵarýshy organdary ókilderinen, sheteldik kompanııalar jetekshilerinen quttyqtaýlar áli kelip túsýde, dep habarlady Prezıdenttiń baspasóz qyzmeti. Izraıl Prezıdenti R.Rıvlın el halqynyń jáne jeke óziniń atynan Nursultan Nazarbaevqa Qazaqstan Prezıdenti laýazymyna qaıta saılanýy­na baılanysty quttyqtaýyn joldady. «Sizge alda turǵan mindetterdi sheshý isinde tabys tileımin. Sondaı-aq, Izraıl men Qazaqstan arasyndaǵy qarym-qatynastar ári qaraı da nyǵaıa beretinine senim bildiremin», – delingen jedelhatta. * * * Murager hanzada, Saýd Arabııasy Koroldigi Mınıstrler keńesi tóraǵasynyń orynbasary, ishki ister mınıstri Muhammad ben Naıf ben Ábdel Ázız Ál Saýd Nursultan Nazarbaevty Qazaqstan Prezıdenti laýazymyna qaıta saılanýymen quttyqtap, myqty densaýlyq pen baqýattylyq, al Qazaqstan halqyna baq-bereke tiledi. * * * MAGATE bas dırektory Iý.Amano Qazaqstan uzaq ýaqyttan beri uıymnyń ıadrolyq tehnologııalardy beıbit maqsatta qoldaný jáne ıadrolyq qarý taratý qaýpine qarsy kúres salasyndaǵy seriktesi bolyp sanalatynyn atap ótti. Ol, sondaı-aq, júzege asyrý isine bizdiń elimiz de qatysatyn túrli bastamalar aıasyndaǵy yntymaqtastyqty jalǵastyrýǵa daıyn ekenin bildirdi. * * * Kóshi-qon jónindegi halyqaralyq uıymnyń bas dırektory Ý.Svıng Qazaqstan osy uıymnyń beldi múshesi ekenin ataı otyryp, bizdiń elmen yntymaqtastyqty jalǵastyrýǵa jáne nyǵaıtýǵa daıyn ekenin aıtqan. * * * Amerıkalyq memleketter uıymynyń bas hatshysy H.Insýlsa Nursultan Nazarbaevty Qazaqstan Respýblıkasy Prezıdenti laýazymyna qaıta saılanýymen quttyqtady. «Qazaqstan 1996 jyldan beri Amerıka memleketteri uıymynyń turaqty baqylaýshysy bolyp tabylady. Biz sońǵy jyldary, ásirese, jan-jaqty damý, memlekettik basqarý jáne áıelder men balalar quqyǵyn qorǵaý salasynda qol jetken seriktestik pen yntymaqtastyq deńgeıine qanaǵattanamyz. Sizge tabys tileımin jáne Sizdiń Úkimet Amerıka óńirimen aradaǵy dıalog pen yntymaqtastyqty ári qaraı nyǵaıtý maqsatynda bizdiń uıymmen ózara yqpaldastyqty jalǵastyrady dep úmittenemin», – dep jazady avtor. * * * Energetıkalyq hartııa bas hatshysy Ý.Rýsnak «Qazaqstan-2050» Strategııasy barsha qazaqstandyqtardyń turmysyn jaqsartýǵa baǵyttalǵan naqty istermen toltyrylǵanyna nazar aýdarǵan. «Álemniń damyǵan 30 memleketiniń qataryna ený jónindegi Siz qoıǵan maqsat taıaý bolashaqta mindetti túrde oryndalady», – delingen jedelhatta. * * * Memleketaralyq Ýkraına-Qazaqstan qarym-qatynastar ınstıtýtynyń dırektory N.Stepanenko Qazaqstanda ótken saılaý saılaýshylar eń kóp qatysqan saılaý retinde tarıhqa enip, búkil álemge tutastyqtyń qýatyn pash etkenin atap ótken. «Biz Sizdiń Qazaqstan men Ýkraına qarym-qatynastaryn nyǵaıtýǵa qosqan úlesińizdi joǵary baǵalaımyz. Búkil táýelsizdik jyldary boıy bizdiń baýyrlas halyqtarymyzdyń ózara qarym-qatynasynyń arhıtektory tek ózińiz boldyńyz», – dep jazady avtor. * * * QKP OK Saıası bıýro múshesi, QHR Shyńjań-Uıǵyr avtonomııalyq aýdanynyń partııa komıtetiniń hatshysy Ch.Chýnsıan Qazaqstan Prezıdentiniń kúsh-jigeri arqasynda eki eldiń arasyndaǵy dostyq qatynastar úzdiksiz nyǵaıyp kele jatqanyn atap ótken. «Qazaqstanǵa shyn júrekten barlyq salada ósip-órkendeýin, al onyń halqyna Sizdiń basshylyǵyńyzben baq-bereke tileımin», – delingen quttyqtaýda. * * * QHR Shyńjań-Uıǵyr avtonomııalyq aýdanynyń Halyqtyq úkimetiniń tóraǵasy Sh.Zaker Qazaqstan Prezıdentin qaıta saılanýymen quttyqtap, Qazaqstan men Qytaıdyń saıası jáne strategııalyq yqpaldastyǵy nyǵaıyp kele jatqanyn atap ótken. «Biz halyqtarymyzdyń ıgiligi jolyn­daǵy ekijaqty qarym-qatynastardy damytýda naqty nátıjelerge jetý úshin Jibek jolynyń ekonomıkalyq beldeýin qurý aıasyndaǵy yntymaqtastyqty Sizdiń elmen birge jańashyldyq pen talpynys rýhynda odan ári nyǵaıtýǵa daıynbyz», – dep jazady avtor. * * * Germanııa Býndestagynyń depýtaty, Eýropa Keńesiniń Parlamenttik assam­bleıasyndaǵy Germanııa dele­gasııasynyń basshysy A.Fısher Nur­sultan Nazarbaevty Qazaqstan Prezıdenti laýazymyna qaıta saılanýymen quttyq­tady. «Qazaqstan azamattary kórsetken senim – Sizdiń aldaǵy syn-qaterlerdi eń­serýdegi eńbegińizdi moıyndaýdyń aıǵaǵy. Sizdiń saılaýdaǵy aıqyn jeńisińiz  sońǵy jyldary atqarǵan jumysyńyzdyń da moıyndalýy bolyp sanalady», – delingen hatta. * * * Reseı Federasııasy Karachaı-Cherkes Respýblıkasy Halyqtyq jınalysy (Parlamenti) tóraǵasynyń orynbasary R.Habov Nursultan Nazarbaevqa eldi belsendi túrde áleýmettik-ekonomıkalyq damytýǵa baǵyttalǵan jemisti jumysynyń bıik bedel ákelgenin aıtady. «Sizdiń alysty boljaǵan basshy­lyǵyńyzdyń arqasynda Qazaqstan bar­lyq salada keremet jetistikterge jetip, qarqyndy damyp kele jatqan memleketter qatarynan laıyqty oryn aldy», – delingen jedelhatta. * * * Ispanııanyń burynǵy syrtqy ister jáne yntymaqtastyq mınıstri M.Moratınos Qazaqstan azamattary óz Prezıdentine taǵy da elin halyqaralyq qoǵamdastyqtyń meılinshe ozyq jáne zamanaýı memleketteri qataryna qosýy úshin qaltqysyz senim artqanyn atap ótken. «Sizdiń arqańyzda Qazaqstan ekonomıkasy álemdegi eń qarqyndy damyǵan ekonomıkanyń biri bolaryna senimdimin. Sondaı-aq, Qazaqstan halqyn saılaý úderisiniń úlgi tutarlyqtaı ótýimen jáne halyqaralyq baıqaýshylar mıssııasy tarapynan joǵary baǵa alýymen quttyqtaǵym keledi», – delingen jedelhatta. * * * «Marýbenı Korporeıshn» japon  kompanııasy basqarmasynyń tóraǵasy T.Asada Nursultan Nazarbaevtyń Qazaqstandy jáne onyń halqyn budan da úlken ósip-órkendeýge alyp keletinine, sondaı-aq, Japonııamen dostyq qarym-qatynasty damytýǵa yqpal etetinine senim bildirgen. * * * «Toıota» kompanııasy basqar­ma­synyń tóraǵasy D.Shımızý óz quttyq­taýynda Nursultan Nazarbaevtyń sheber basshylyǵymen Qazaqstan tańdan­dyrar­lyqtaı damý qarqynyna qol jetkizgenin aıtady. * * * Qyrǵyzstan halqy assambleıasy keńe­siniń músheleri óz quttyqtaýlarynda etnos­aralyq qarym-qatynastyń qazaq­standyq modeli búginde kópetnosty memleketter úshin jarqyn úlginiń biri bolyp otyrǵanyn aıtady. «Qazaqstan búkil álemge eldiń mem­lekettik-konfessııalyq qarym-qaty­nasty tabysty ornatyp, etnosaralyq qarym-qatynasty damyta otyryp, sonymen bir mezgilde memleket qurý máselelerin de sheshe alatynyn kórsetti», – dep jazady avtorlar. * * * Otto Beneke atyndaǵy qor prezı­denti L.-T.Lemper Nursultan Nazar­baevtyń basshylyǵymen Qazaqstan zor jetistikterge jetkenin, olar­dyń qatarynda álemdik qoǵamdastyq moıyn­daǵan syrtqy saıasat, ındýstrııalyq-ınnovasııalyq damý, etnosaralyq kelisim, jemisti ekonomıkalyq reformalar jáne halyqtyń ál-aýqatyn jaqsartý máseleleri bar ekenin aıtty. Sondaı-aq, ol Memleket basshysyna amandyq jáne belgilengen barlyq josparyn júzege asyrý isine tabys tiledi. * * * Qoldaý lebizin Kavkaz musylmandary basqarmasynyń tóraǵasy, TMD Din­aralyq keńesiniń teńtóraǵasy A.Pasha-Zade de joldap, Nursultan Nazarbaevtyń arqasynda Qazaqstan dinaralyq dıalogtyń aldyńǵy kóshinen berik oryn alyp otyrǵanyn atap ótken. «Sizdiń bastamańyzben Qazaqstan ózine túrli álemdik jáne dástúrli dinder men konfessııalar kóshbasshylary arasyndaǵy dıalogty ilgeriletý jaýapkershiligin aldy, bul, kúmánsiz, onyń álemdik arenadaǵy bedelin odan da arttyra tústi», – delingen jedelhatta. * * * Úndistan ǵylymı ınstıtýtynyń dırektory S.Dave bizdiń el Qazaqstan Prezıdentiniń basshylyǵymen reformalardy júzege asyrý, damý  jáne ósip-órkendeý jolymen júrip kele jatqanyna toqtalǵan. Úndistannan zoroastrızm tobynyń jetekshisi H.Dhalla Nursultan Nazar­baev­tyń bıik bedelin, sondaı-aq, onyń álemdegi ıadrolyq qaýipsizdikti qamta­masyz etýge qosqan erekshe úlesin atap ótken. * * * «Vozrojdenıe» ǵylymı-aǵar­týshy­lyq ortalyǵynyń dırektory A.Kýznesov ótken saılaýda qazaqstandyqtar kepildendirilgen beıbit bolashaqty, turaqtylyq pen óz eliniń ósip-órkendeý jolyn tańdaǵanyn atap ótti. «Sizdiń sara basshylyǵyńyzben Qazaqstan Respýblıkasy qysqa merzim ishinde tamsandyrarlyq nátıjelerge qol jetkizdi jáne álemniń básekege qabiletti 50 eliniń qataryna kirdi. Bizder, ýkraındyqtar,  eldiń ońtústik-shyǵysyndaǵy qaqtyǵysty retteýdegi Sizdiń jeke úlesińizdi, Qazaqstannyń kórsetken qarjylyq jáne gýmanıtarlyq kómegin óte joǵary baǵalaımyz», – dep jazady avtor. * * * Balalardyń «Detskaıa Vselennaıa» qoǵamdyq uıymynyń prezıdenti V.Magda Qazaqstanda jas býyn úshin barlyq múmkindikter jasalǵanyna nazar aýdardy. «Otbasy sekildi, memlekettiń de ulylyǵy men qudireti baladan bastalady. Siz árdaıym jastar bolashaǵymyzdyń  tiregi ekenin aıtasyz. «Qazaqstan-2050» Strategııasy, «Nurly Jol» jáne basqa baǵdarlamalar baqyt pen otbasylyq baqýattylyqty, turaqtylyq pen kelisimdi kózdeıdi», – delingen hatta. * * * Fransýz rejısseri R.Gezelbash  Memleket basshysyn prezıdenttik saılaýdyń nátıjelerimen quttyqtap, Qazaqstandy odan ári damytý isinde tabys tiledi.