ASTANA. 6 mamyr. Túnde ÝEFA Chempıondar lıgasynyń jartylaı fınaldyq básekesi bastaldy. Italııanyń Týrın qalasynda jergilikti «Iýventýs» Madrıdtiń «Realyn» qabyldap, 2:1 esebimen jeńiske jetti. Bul týraly egemen.kz habarlady. Oıyn teń dárejede órbidi. Alǵashqy taımda ıspandardyń basymdyǵy baıqalǵanymen, kezdesýdiń ekinshi bóliginde alań ıeleri belsendilik tanytty. Match barysynda qos komanda da 12 márte qaqpaǵa soqqy jasap kórdi. Al týra soqqy jóninen «Iýventýs» basym tústi (7:3). Dopqa ıelik etý kórsetkishi boıynsha madrıdtikter sál ǵana basymdyq tanytty (52% – 48%). 90 mınýttyń ishinde ıtalııalyqtar bir-aq ret buryshtan dopty oıynǵa qossa, «Real» oıynshylary mundaı múmkindikke 5 márte ıe boldy. Qos komanda arasyndaǵy qarymta kezdesý 13 mamyrda Madrıdte ótedi. Búgin túnde jartylaı fınaldyń ekinshi juby «Barselona» men «Bavarııa» alǵashqy oıyndaryn ótkizetinin aıta keteıik. Elaman Qońyr. Derek: egemen.kz. Sýret: championat.com. «Iýventýs» (Týrın, Italııa) – «Real» (Madrıd, Ispanııa) 2:1 (1:1) 5 mamyr. Týrın. «Iýventýs» stadıony. 41 254 kórermen. Tóreshi: Martın Atkınson (Anglııa). «Iýventýs»: Djanlýıdjı Býffon, Shtefan Lıhtshtaıner, Patrıs Evra, Leonardo Bonýchchı, Djordjo Kellını, Andrea Pırlo, Klaýdıo Markızıo, Artýro Vıdal, Stefano Stýraro (Andrea Barsalı 64), Karlos Teves (Roberto Pereıra 86), Alvaro Morata (Fernando Lorente 78). «Real»: Iker Kasılıas, Danıel Karvahal, Marselo, Pepe, Rafael Varan, Serhıo Ramos, Tonı Kroos, Isko (Haver Ernandes 63), Hames Rodrıges, Garet Beıl (Hese 86), Krıshtıaný Ronaldý. Goldar: Alvaro Morata 8, Karlos Teves (penaltı) 57 – Krıshtıaný Ronaldý 27. Eskertýler: Leonardo Bonýchchı 5, Karlos Teves 46, Artýro Vıdal 56, Djordjo Kellını – Marselo 57, Danıel Karvahal 75, Hames Rodrıges.