Memlekettik qyzmet isteri agenttigi memlekettik qyzmet kórsetý úderisterin jetildirý boıynsha júrgizilip jatqan jumys sheńberinde Qarjy mınıstrligine adamdy bankrot dep tanýǵa qajet qujattardyń sanyn barynsha azaıtyp, azamattarǵa qaryz máselelerin jedel sheshýge keń múmkindik berý jóninde usynymdar engizdi.
Osy usynymdardyń negizinde Qarjy mınıstrligi sottan tys bankrottyq rásimin aıtarlyqtaı jeńildetti. Atap aıtqanda, naqty qaryz somasyn rastaıtyn qujattar; árbir nesıe berýshiniń ataýy týraly málimetter; qaryzdy retteý áreketterin dáleldeıtin túrli anyqtamalar men málimetter tapsyrý talap etilmeıdi.
Buryn azamattar qaǵaz túrinde málimetter jınaýǵa kóp ýaqyt jumsaıtyn bolsa, endi Memlekettik qyzmet isteri agenttiginiń usynymdary aıasynda tıisti aqparattyq júıeler ıntegrasııalanyp, Memlekettik kirister organdary negizgi málimetterdi tikeleı kredıttik bıýro júıesinen alady.
Nátıjesinde, bul shara isterdi qaraý úderisin birneshe ese jedeldetip, sottan tys bankrottyq rásimin ómirlik qıyn jaǵdaıǵa tap bolǵan áleýmettik osal sanattaǵy azamamattar úshin qoljetimdi ári tıimdi kómek quralyna aınaldyrdy.