Endi alaıaqtarǵa aýdarym jasasańyz, bankter bir táýlikke deıin shotyńyzdy buǵattaı alady, dep habarlaıdy Egemen.kz.
Ulttyq bank alaıaqtardy azamattarmen baılanys ornatqan sátte-aq anyqtaı alatyn algorıtm ázirlep jatyr. Sonyń arqasynda klıentke birden eskertý berilip, qaýiptiń aldyn alýǵa múmkindik týady. Soǵan qaramastan aýdarym jasalsa, bank, shotyńyzdy 24 saǵatqa buǵattaı alady. Ári klıent bólimshege týysymen birge shaqyrylyp, suralady. Bankterge osyndaı quqyq berý arnaıy zańmen bekitilmek. Ulttyq bank tóraǵasynyń orynbasary Berik Shopanqulovtyń sózine qaraǵanda, algorıtm jyl sońyna deıin daıyn bolady.