Joǵarǵy Sot Tóraǵasy Aslambek Merǵalıev bastaǵan delegasııa Ulybrıtanııaǵa resmı sapary aıasynda quqyqtyq bilim berý salasynyń jetekshi ókilderimen birqatar mazmundy kezdesýler ótkizdi, dep habarlaıdy Egemen.kz. Sapardyń basty maqsaty — otandyq sot júıesi mamandarynyń kásibı damýyn qamtamasyz etý jáne halyqaralyq akademııalyq yntymaqtastyqty nyǵaıtý.
Sapardyń basty maqsaty — otandyq sot júıesi mamandarynyń kásibı damýyn qamtamasyz etý jáne halyqaralyq akademııalyq yntymaqtastyqty nyǵaıtý.
Resmı delegasııa quramynda Sot ákimshiliginiń basshysy Naıl Ahmetzakırov ta boldy. Kezdesýler barysynda sýdıalar korpýsy úshin arnaıy taǵylymdama baǵdarlamalaryn uıymdastyrý máseleleri qaraldy.
Darem ýnıversıteti jáne halyqaralyq Advocacy & Advisory International ortalyǵynyń basshylyǵymen ótken kelissózder nátıjesinde qazaqstandyq sýdıalar úshin «Bolashaq» baǵdarlamasy sheńberinde sheteldik taǵylymdamalardan ótý múmkindigi qarastyryldy. Tıisti memorandýmdarǵa qol qoıyldy.
Sonymen qatar, Joǵarǵy Sot Tóraǵasy ADR-ODR International uıymynyń negizin qalaýshy Rahım Chamdjımen júzdesip, sıfrlyq daýlardy sheshý jáne onlaın medıasııa salasyndaǵy ozyq tájirıbelerdi talqylady. Bul ádisterdi qazaqstandyq sýdıalardy daıarlaý jáne qaıta oqytý júıesine engizý jaıy keńinen sóz boldy.
University of Law ýnıversıtetinde ótken kelissózder aıasynda taraptar uzaq merzimdi yntymaqtastyq týraly ýaǵdalasty.
Kásibı bilim berýdiń mańyzdylyǵyn atap ótken Aslambek Merǵalıev Qazaqstan sot júıesiniń strategııalyq mindeti – jahandyq quqyqtyq keńistikke ıntegrasııalaý arqyly kadrlyq áleýetti damytý ekenin aıtty.