2025 jylǵy 24 mamyrdan bastap turǵyn úı kezeginde turǵan jáne jaldamaly páterde turyp jatqan azamattarǵa arnalǵan jalǵa alý tólemderin sýbsıdııalaý baǵdarlamasy kúshine enedi, dep habarlaıdy Egemen.kz.
Jańa erejege sáıkes, memleket belgili bir sanattaǵy azamattarǵa jaldaý aqysynyń jartysyn tóleýge kómektesedi.
Finratings.kz málimetinshe, memleket shynaıy muqtaj jandarǵa qoldaý kórsetpek. Olarǵa mynalar jatady:
I jáne II top múgedekteri; Múgedektigi bar balany tárbıelep otyrǵan otbasylar; Jetim balalar jáne ata-anasynyń qamqorlyǵynsyz qalǵan 29 jasqa deıingi jastar; «Altyn alqa», «Kúmis alqa» jáne «Ana dańqy» ordenderiniń ıegeri bolǵan kópbalaly analar; Kópbalaly otbasylar.Mańyzdy shart: sýbsıdııa tek jeke menshik páterlerge beriledi. Iаǵnı, memlekettik turǵyn úıge, sondaı-aq týystardan nemese burynǵy jubaılardan jalǵa alynǵan páterlerge qoldanylmaıdy — bul jalǵan kelisimsharttardyń aldyn alý úshin engizilgen talap.
Memlekettik kómek jaldaý aqysynyń dál 50%-yn quraıdy:
80% – respýblıkalyq bıýdjetten, 20% – jergilikti ákimdik esebinen bólinedi.Qalǵan jartysyn páter jaldaýshy ózi tóleıdi. Mysaly, eger páterdiń aılyq jaldaý aqysy 150 myń teńge bolsa, memleket aı saıyn 75 myń teńge qaıtaryp beredi.
Kómek alý úshin otbasyndaǵy jan basyna shaqqandaǵy tabys bir aılyq kúnkóris mınımýmynan aspaýy kerek. Bul rette kelesi tólemder esepke alynbaıdy:
balalar járdemaqysy, zeınetaqy, múgedek balaǵa kútim jasaýǵa tólenetin járdemaqy,jetim balalardyń stıpendııasy.
Páter kólemine de shekteý bar:
1–3 adamǵa deıin – 40 sh.m. deıin; 4–5 adamǵa – 60 sh.m. deıin; 6 jáne odan kóp adamǵa – 80 sh.m. deıin.Eger páter kólemi sál artyq bolsa, sýbsıdııa tek normatıv shegindegi bóligin qamtıdy.
О́tinimdi www.otbasybank.kz saıtynda berýge bolady. Sheshim úsh jumys kúni ishinde shyǵady.
Eger ótinim maquldansa, arnaıy shot ashylady. Sol shotqa aı saıyn memlekettik sýbsıdııa túsip otyrady — ol páter jaldaý aqysynyń bir bóligin óteýge arnalǵan.