Shrı-Lanka astanasy Kolomboda 12-24 mamyr kúnderi 22 jasqa deıingi boksshylar arasynda Azııa chempıonaty ótedi. Qazaqstan quramasy erler jáne áıelder arasyndaǵy barlyq salmaqta tolyq quramda baq synaıdy. 2 aptaǵa jalǵasatyn sary qurlyq básekesinde 23 eldiń sportshylary júldege talasady, dep jazady Egemen.kz.
Jarystyń alǵashqy kúninde sharshy alańǵa 54 kelide Kenje Muratuly kóterildi. 3 raýndtyq jekpe-jekte otandasymyz qyrǵyz boksshysy Zafarbek Kamılovqa ese jiberdi. Tóreshilerdiń basym upaıyn ıelengen qarsylas kelesi kezeńge joldama aldy.
60 kg deıingi salmaqta synǵa túsken Nurıslam Qaldybaev Azııa dodasyn jeńispen bastady. Ol jekpe-jektiń ekinshi raýndynda Nepaldan kelgen boksshy Vangdı Sherpty eki ret nokdaýnǵa jiberdi.
Endi el boksshysy jartylaı fınal joldamasyn IBA beıtarap komandasynyń ókili Ahmad Muhammedke qarsy sarapqa salady.
Áıelder arasyndaǵy aıqastaǵy 50 kelide Gúlnar Turapbaı Saýd Arabııasynyń sportshysy Iаra Alamrıdi qıyndyqsyz qapy qaldyrdy. Ol Azııa birinshiliginde óziniń chempıondyq ataǵyn qorǵaý úshin baryn salmaq.