Astana – Shýchınsk avtojolynyń tórt negizgi ýchaskesinde: Shortandy, Aqkól, Alakól jáne Qarajar aýdandarynda jol qaýipsizdigine baılanysty aqparat beretin zamanaýı elektrondyq tablolar ornatyldy. Bul týraly Ishki ister mınıstrligi habarlady, dep jazady Egemen.kz.
О́lshemi 8-de 2 metr bolatyn tablo júrgizýshilerdi jedel aqparattandyrý úshin ornatylǵan. Máselen, jol qaýipsizdigine qatysty beldikterdi taǵý týraly eskertpe, jyldamdyq rejımin saqtaý, taıǵaq jol týraly eskertýler, qolaısyz aýa raıy jaǵdaılary, jol jumystary jáne yqtımal qozǵalys shekteýleri habarlanady.
IIM elektrondyq tablo kólik jıi qatynaıtyn joldarda jaǵdaıdy lezde baıandaýdyń tıimdi tásili ekenin jetkizdi. «Joba jol-kólik oqıǵalarynyń sanyn azaıtýǵa jáne jalpy júrgizý mádenıetin arttyrýǵa baǵyttalǵan. Bolashaqta mundaı júıelerdi elimizdiń basqa avtojoldarynda da engizý josparlanyp otyr», delingen mınıstrlik habarlamasynda.