5 jastaǵy Ibrahım Ádilbek Otbasy bankinde «Keleshek» júıesiniń Qazaqstandaǵy alǵashqy qatysýshysy atandy. Ol úshin ákesi Baǵdat Erýbaev ulyna «AQYL» bilim berý depozıtin ashqan, dep habarlaıdy Egemen.kz.
Endi memleket kishkentaı qazaqstandyqtyń shotyna 60 AEK nemese 235 920 teńge kóleminde bastapqy bilim berý kapıtalyn aýdarady. Ony saqtap qalý úshin otbasyna jyl saıyn kemi 24 AEK nemese 94 368 teńgeni atalmysh depozıtke aýdaryp turýlary qajet. Al Otbasy bank qosymsha balanyń jınaq shotyna bank syıaqysy men memlekettik syılyqaqy esepteıtin bolady.
«Keleshek» júıesiniń qatysýshysy bolý úshin «AQYL» bilim berý depozıtin ashý qajet. Men ony Otbasy bankiniń bólimshesinde jasadym. Bizdiń otbasymyz úshin bul balamyzdyń bilimine qarjy jınap, oǵan laıyqty mamandyq alýǵa kómektesýdiń qoljetimdi tásili. Ulym oqýǵa tegin túsip ketse de, ol óz jınaqtaryn úı satyp alýǵa jumsaı alady», deıdi Baǵdat Erýbaev.
«Keleshek» erikti jınaqtaýshy júıesine qatysý úshin Otbasy bankinde 2025 jyldyń 12 mamyrynan bastap «AQYL» depozıtin ashýǵa bolady. Ne bári bir táýliktiń ishinde 1 000 qazaqstandyq ata-ana atalmysh salymdy óz balalarynyń atyna ashyp úlgergen.
«Adamnyń eń mańyzdy aktıvi – bilim. Qazaqstan – «Keleshek» biryńǵaı erikti jınaqtaý júıesin qurý arqyly, balalarynyń bilimine baǵyttaǵan ata-analardyń ınvestısııasyn qoldap otyrǵan sanaýly elderdiń biri. Endi bastapqy kapıtal bólinedi. Otbasy bank ul-qyzdarynyń bolashaǵyn oılaǵan sanaly ata-analarǵa bilim berý depozıtterin ashýǵa belsendi túrde kómektesedi. Endi ony otbasybank.kz portalynda, beıne-qońyraý boıynsha, bank bólimshelerinde jáne keńesshilerdiń kómegimen iske asyrýǵa bolady. Aldaǵy 10 kúnde bul qyzmet Otbasy bank mobıldi qosymshasynda da qoljetimdi bolady», dedi Otbasy bankiniń Basqarma tóraǵasy Lázzat Ibragımova.
Otbasy bankinde «AQYL» bilim berý jınaqtaý salymyn ashýdyń jáne «Keleshek» júıesiniń qatysýshysy bolýdyń tórt tásili:
Otbasybank.kz portalynda. Ol úshin jeke kabınetińizge kirińiz, «Meniń bankim» qoıyndysyn ashyp, «Depozıtterge» ótý kerek. Ári qaraı, «Jańa depozıt» batyrmasyn basyp, «AQYL» salymyn ashasyz; hcsbk.kz bank saıtyndaǵy beıne-qońyraý qyzmeti arqyly; Bank bólimshelerinde; Keńesshilerdiń kómegimen. Silteme arqyly óz qalańyzdan keńesshi tańdaı alasyz: https://hcsbk.kz/network-agents/.«AQYL» depozıtiniń sharttary:
syıaqy mólsherlemesi 13,58% (JTSM 14,5% bastap); memlekettik syılyqaqy: salymshylardyń barlyq sanattary úshin - 5%. Jetim balalar, ata-anasynyń qamqorlyǵynsyz qalǵan balalar, múmkindigi shekteýli balalar, kóp balaly jáne az qamtylǵan otbasylardan shyqqan balalar úshin - 7%. depozıt ashqan kezde mindetti bastapqy jarnanyń mólsheri 3 AEK nemese 11 796 teńgege teń (2025 jyly). Jetim jáne ata-ana qamqorlyǵynsyz qalǵan balalar úshin bastapqy jarna joq.Memleket balalarǵa "Keleshek" baǵdarlamasy aıasynda "AQYL" depozıtine qandaı soma aýdarady?
Bastapqy bilim berý kapıtaly 2025 jyly 60 AEK nemese 235 920 teńgeni quraıdy.
Jetim balalar men ata-anasynyń qamqorlyǵynsyz qalǵan balalar úshin bastapqy bilim berý kapıtaly 2025 jyly 120 AEK nemese 471 840 teńgege teń.
2025 jyly memleketten beriletin, 235 920 teńgeden bastalatyn bastapqy bilim berý kapıtaly bıyl 5 jasqa tolatyn balalarǵa esepteletin bolady.
Otbasy bankinde «AQYL» depozıtteri ashylǵan adamdar ne isteýi kerek?
2025 jyldyń birinshi jartyjyldyǵynda 5 jasqa tolatyn balalardyń ata-analary 2025 jyldyń 15 mamyrynan bastap 2025 jyldyń 30 maýsymyna deıin otbasybank.kz portalyndaǵy Jeke kabınette "AQYL" depozıtine qosymsha kelisimge qol qoıýlary qajet. Bul jaǵdaıda bastapqy bilim berý kapıtaly qoldanystaǵy depozıtke esepteledi. Aqsha 2025 jyldyń 31 tamyzyna deıin túsedi.
1 shilde men 31 jeltoqsan aralyǵynda 5 jasqa tolatyn balalar da bıylǵy jyly qosymsha kelisimge qol qoıýy kerek. Qarajat 2026 jyldyń 28 aqpanyna deıin túsedi.