15 mamyr – Halyqaralyq otbasy kúnine oraı elimizdiń barlyq óńirinde «Otbasy aǵashy» atty respýblıkalyq aksııa uıymdastyrylyp, «Mereıli otbasy–2025» ulttyq baıqaýy resmı túrde bastaldy, dep habarlaıdy Egemen.kz.
Qazaqstannyń barlyq óńirlerinde, qala men aýyldyq eldi mekenderde terek otyrǵyzýǵa arnalǵan jappaı sharalar uıymdastyryldy. Dástúrli túrde bul aksııa buryn saıabaqtardaǵy «Otbasy – baqyt mekeni» ataýymen atalǵan alleıalarda ótedi.
Jyl saıyn osy alleıalarǵa jańa aǵashtar otyrǵyzylady. Bul – tatý ári berik qazaqstandyq otbasylardyń sımvoly ispettes.
Aksııanyń basty maqsaty — otbasylyq dástúrlerdiń mańyzyn kórsetý, sondaı-aq otbasy ınstıtýtyn nyǵaıtý, tabıǵatty qorǵaý jáne qoǵamdyq bastamalardy damytý arqyly bolashaq urpaqqa qamqorlyq kórsetý.
Is-sharaǵa tanymal qoǵam qaıratkerleri, qoǵam belsendileri, sondaı-aq ótken jyldardaǵy «Mereıli otbasy» baıqaýynyń jeńimpazdary qatysty.