Áleýmettik jelilerde Almatydaǵy Tashkent tasjolynda ornalasqan Aport Mall West saýda ortalyǵy janyndaǵy akvaparkta túsirilgen vıdeo keńinen taralyp jatyr, dep habarlaıdy Egemen.kz.
Kópshiliktiń nazaryna ilikken bul jaǵdaı jazǵy maýsymnyń ashylýyna oraı ótken «alǵashqy 100 adamǵa – tegin kirý» aksııasymen baılanysty bolǵan. Aksııaǵa suranys joǵary bolǵandyqtan, adamdar erte jınalyp, kirýge asyqqan.
Alaıda Aport Mall West ákimshiligi bul jaǵdaıdy tótenshe oqıǵa dep tanýdan bas tartyp, resmı túsinikteme bergen.
«Jańa jazǵy akvaparktiń ashylýyna arnalǵan «Alǵashqy 100 adam – tegin» aksııasy úlken suranysqa ıe boldy. Sonyń nátıjesinde tegin kirgen qonaqtar sany júzden asty. Alaıda eshqandaı tótenshe jaǵdaı tirkelgen joq», dedi saýda ortalyǵynyń ókili.
Qazirgi ýaqytta áleýmettik jelilerdegi vıdeolar qoldanýshylar arasynda qyzý talqylanyp jatyr. Degenmen, resmı tarap jaǵdaıdyń baqylaýda ekenin jáne eshkim zardap shekpegenin málimdedi.