Bıyl mamyr aıynda tutyný baǵalarynyń aılyq ındeksi baıaýlaı túsip, 0,9% qurady (sáýirde-1,2%). Aqyly qyzmetterdiń baǵasy 1,3%, azyq-túlik taýarlary – 0,9%, azyq-túlik emes taýarlar 0,6% ósken, dep habarlaıdy Egemen.kz.
Ulttyq statıstıka bıýrosynyń málimetinshe azyq-túlik ónimderiniń baǵasynyń tómendeýi qııarǵa – 37,1%, qyzanaqqa – 19,8%, qyryqqabatqa – 7,7%, bananǵa - 5,7%, jumyrtqaǵa 2,4% boldy. О́z kezeginde baǵalar lımonǵa – 9,1%, alma – 6,1%, almurt – 5,2%, júzim-5,1% ósken.
Bıylǵy mamyr aıynda altyn saqınaǵa baǵa 4,6%, qurylys materıaldaryna – 1,1%, kıim men aıaq kıimge, jeke paıdalanýǵa arnalǵan taýarlarǵa – árqaısysy 0,8% qymbattaǵan.
Turǵyn úı-kommýnaldyq qyzmetter salasynda sýyq sýǵa tarıfter 4,2%, sý burýǵa – 1,6%, taratý jelileri arqyly tasymaldanatyn gazǵa – 1,5%, elektr energııasyna – 1,4% ósti. Temirjol kóliginiń qyzmeti 2,1%, sanatorııler qyzmeti 2% qymbattaǵan.
О́ńirler arasynda eń tómengi aılyq ınflıasııa Qaraǵandy oblysynda – 0,2%, Astana qalasynda – 0,3%, Aqmola, Almaty, Mańǵystaý, Túrkistan, Ulytaý oblystarynda tirkeldi – árqaısysynda 0,6%.
2025 jylǵy mamyr aıy boıynsha aımaqtardaǵy ınflıasııa deńgeıi: ShQO 07%, Aqtóbe, 0,8%, Abaı, Shymkent qalasy, Jambyl, Qyzylorda, SQO 0,9% Atyraý 1,1% Qostanaı 1,2%, Jetisý 1,3 %, BQO 1,4%, Almaty qalasy 1,7%, Pavlodar 2,0%.
2025 jylǵy mamyrda jyldyq mánde ınflıasııa deńgeıi 11,3% quraǵan (al, sáýirde 0,9). Baǵalar aqyly qyzmetterge – 16% (al sáýirge 1,3), azyq-túlik taýarlaryna – 9,6% (sáýirde 0,9), azyq-túlik emes taýarlarǵa 9% (sáýirde 0,6) joǵarylady.
Jyldyq mánde qaraqumyq jarmasynyń baǵasy 12% tómendedi, kúrish – 8,3%, tátti burysh – 5,5%, qııar – 2,6%, keptirilgen órik 2,5% arzandady.
Shashtarazdar men sulýlyq salondarynyń qyzmetteri 14,6%, sanatorılerdiń qyzmetteri 14,4% ósti. Noýtbýktiń baǵasy 46,5%, altyn saqına 35,6% , planshet baǵasy 31,9% ósti.
Inflıasııa deńgeıin sıpattaıtyn tutyný baǵalary ındeksiniń kórsetkishi aı saıyn esepteledi. Baqylaýlar qyzmetter men taýarlardyń tarıfteri men baǵalary – barlyǵy 508 pozısııa boıynsha júrgiziledi. Inflıasııa boıynsha dınamıkalyq ózgeristerdi 2018 jyldan bastap kórsetkishter qamtylǵan arnaıy ázirlengen ınteraktıvti dashbordta kórýge bolady.
2025 jylǵy qańtardan bastap tutyný baǵalarynyń ındeksin eseptegende azyq–túlik taýarlarynyń úlesi – 40,0%, azyq-túlik emes taýarlar – 30,3%, aqyly qyzmetter 29,7% qurady.