Astana qalalyq máslıhatynda qaladaǵy ataýsyz kóshelerdiń birine armıan ǵalymy, tiltanýshy ári armıan álipbıiniń negizin qalaýshy – Mesrop Mashtostyń esimin berý máselesi boıynsha qoǵamdyq talqylaý ótti, dep habarlaıdy Egemen.kz.
Astananyń sol jaǵalaýyndaǵy «Astana-Arena» stadıony men «Saryarqa» velotregi arasyndaǵy uzyndyǵy 750 metr bolatyn ataýy joq kóshege armıan ǵalymy, jazý reformatory Mesrop Mashtostyń esimin berý usynylyp otyr. Bul týraly qalalyq Tilderdi damytý jáne arhıv isi basqarmasynyń basshysy Sáken Esirkep málimdedi.
«О́tken jyly, 14–15 sáýirde, Qazaqstan Prezıdenti Armenııaǵa resmı saparmen baryp, birqatar ekonomıkalyq, saıası jáne mádenı kelisimderge qol qoıyldy. Sol kezdesýler barysynda eki el Abaı Qunanbaıulynyń esimin Erevan qalasyndaǵy bir kóshege nemese saıabaqqa, al Mesrop Mashtostyń esimin – Astana qalasyndaǵy bir nysanǵa berý týraly ýaǵdalasty», dedi Sáken Esirkep.
Eske salaıyq, 2025 jylǵy sáýir aıynda, Qazaqstan mádenıet kúnderi aıasynda Erevan qalasynyń Avan yqshamaýdanynda Abaı atyndaǵy saıabaq resmı túrde ashylǵan bolatyn.