Qazaqstannyń jeńil atletıka quramasynyń múshesi Krıstına Ovchınnıkova Grekııanyń Hanıa qalasynda ótken halyqaralyq týrnırde bıiktikke sekirý boıynsha altyn medal jeńip aldy, dep habarlaıdy Egemen.kz.
Otandasymyz 190 santımetr bıiktikke sekirip, barlyq qarsylasynan ozyp shyqty.
Aıta ketý kerek, dál osy nátıjemen ol Gýmıde ótken Azııa chempıonatynda da jeńiske jete alatyn edi, biraq sol jarysqa qatysýshylar tizimine enbegen bolatyn.
Kúmis medaldi 188 sm nátıjesimen grek sportshysy Tatıana Gkýsın jeńip alsa, qola júlde dál sondaı kórsetkishpen Kıpr eliniń ókili Stılıana Ioannıdýǵa buıyrdy.