Reseı Federasııasy Syrtqy ister mınıstrliginiń resmı ókili Marııa Zaharova Telegram arnasynda Astanada Qazaqstan men Reseıdiń Máńgilik dostyq alleıasynyń ashylýyna qatysty jazba jarııalady, dep habarlaıdy Egemen.kz.
Ol óz jazbasynda 28 mamyrda Qazaqstan astanasy — Astanada Qazaqstan Respýblıkasy men Reseı Federasııasynyń Máńgilik dostyq alleıasynyń saltanatty ashylý rásimi ótkenin málimdegen.
«Is-shara Reseıdiń Mádenıet mınıstri Olga Lıýbımova men Qazaqstannyń Mádenıet jáne aqparat mınıstri Aıda Balaevanyń qatysýymen uıymdastyryldy. Qazaqstannyń ádemi ári qarqyndy damyp kele jatqan astanasynyń dál ortasynda jańa kórneki orynnyń paıda bolýy — bizdiń memleketter arasyndaǵy odaqtastyq qatynastar men ıntegrasııalyq baılanystardyń mańyzdy oqıǵasy, kópqyrly yntymaqtastyqtyń ózindik geografııalyq núktesi. Saltanatty shara barysynda mádenıet mınıstrleri halyqtarymyzdyń berik baýyrlastyq baılanystaryn, tarıhı tamyrlastyq pen rýhanı jaqyndyǵyn atap ótti. Sonymen birge, mádenıet pen óner salalaryndaǵy birlesken jobalardy júzege asyrýdyń mańyzdylyǵy sóz boldy», — dep jazdy RF SIM resmı ókili.
Marııa Zaharova Máńgilik dostyq alleıasynyń ashylýyn Qazaqstan men Reseı arasyndaǵy yntymaqtastyqtyń jarqyn kórinisi retinde baǵalady.